ДЗЯРЖОРГАНЫДЗЯРЖОРГАНЫ
Флаг Аўторак, 29 лістапада 2022
Мінск -3°C
Усе навіны
Усе навіны
Эканоміка
30 верасня 2022, 10:13

Падпісана міжурадавае пагадненне аб транзіце беларускіх грузаў праз тэрыторыю Расіі

Фота з архіва
Фота з архіва

30 верасня, Мінск /Кар. БЕЛТА/. Падпісана міжурадавае пагадненне аб транзіце беларускіх грузаў праз тэрыторыю Расійскай Федэрацыі, паведамілі БЕЛТА ў прэс-службе Міністэрства транспарту і камунікацый.

У Мінтрансе Расіі падпісана міжурадавае пагадненне аб транзіце беларускіх грузаў праз тэрыторыю Расійскай Федэрацыі. Дакумент забяспечвае стварэнне альтэрнатыўных маршрутаў пастаўкі экспартнай прадукцыі: перавозка грузаў у трэція краіны будзе ажыццяўляцца як праз марскія парты, так і праз наземную транспартную інфраструктуру. Подпісы пад дакументам паставілі кіраўнікі транспартных ведамстваў Беларусі і Расіі Аляксей Аўраменка і Віталь Савельеў.

Як нагадаў Віталь Савельеў, на нядаўняй сустрэчы прэзідэнтаў Аляксандра Лукашэнкі і Уладзіміра Пуціна абмяркоўваліся пытанні двухбаковага супрацоўніцтва і асаблівую ўвагу кіраўнікі дзяржаў удзялілі эканоміцы - рэалізацыі буйных сумесных праектаў.

"У сумеснай рабоце профільных міністэрстваў нам заўсёды ўдаецца дасягнуць значных вынікаў. Такая работа на практыцы паказвае ўзровень інтэграцыі ў рамках Саюзнай дзяржавы, адной з асноў якой з'яўляецца транспартны комплекс, - падкрэсліў кіраўнік расійскага Мінтранса. - Упэўнены, што падпісанне міжурадавага пагаднення аб супрацоўніцтве ў галіне развіцця перавозак грузаў, у тым ліку мінеральных угнаенняў, праз транспартныя калідоры, што праходзяць па тэрыторыях нашых дзяржаў, надасць новы імпульс нацыянальным эканомікам".

Паводле яго слоў, дакумент дасць магчымасць беларускаму боку захаваць аб'ём экспарту, выйсці на новыя рынкі і ўмацаваць транспартнае супрацоўніцтва.

"Са свайго боку хачу адзначыць канструктыўнае ўзаемадзеянне з Міністэрствам транспарту Расіі. Нагадаю, што мы сур'ёзна займаліся пагадненнем па нафтапрадуктах, і я вельмі рады, што цяпер яно працуе і дае вынікі. Сёння мы прыйшлі да больш шырокага пагаднення па даволі нядрэннай наменклатуры грузаў, якую і далей будзем развіваць, выбудоўваць новыя лагістычныя ланцужкі. Гэта асноўная задача, якую вырашаюць транспартныя ведамствы. Упэўнены, падпісанне адпаведнага пагаднення дасць новы штуршок у развіцці нашых адносін і тыя задачы, якія ставяць кіраўнікі дзяржаў і ўрадаў нашых краін, безумоўна, будуць выкананы", - адзначыў Аляксей Аўраменка.

Рэалізацыя падпісанага пагаднення дасць магчымасць забяспечыць гарантаваны доступ суб'ектаў гаспадарання Беларусі да транспартных паслуг расійскіх пастаўшчыкоў для арганізацыі надзейных і стабільных экспартных паставак.

У лютым мінулага года ўрады дзвюх краін падпісалі пагадненне аб перавалцы беларускіх нафтапрадуктаў праз расійскія парты для далейшага экспарту ў трэція краіны. Як паведаміў Віталь Савельеў, бягучыя тэмпы перавалкі даюць магчымасць спрагназаваць аб'ём транзіту нафтапрадуктаў па выніках года на ўзроўні каля 3 млн т пры запланаваных 2 млн 400 тыс. т.

Як адзначылі ў Мінтрансе, паспяховы вопыт рэалізацыі першага пагаднення, выбудаваныя эфектыўныя маршруты і ўсё большая прапускная здольнасць расійскай партовай інфраструктуры далі магчымасць транспартным ведамствам дзвюх краін выйсці на падпісанне новага міжурадавага пагаднення.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі