25 ліпеня, Мінск /Кар. БЕЛТА/. Нацыянальны цэнтр маркетынгу прэзентаваў магчымасці па садзейнічанні ў актывізацыі бізнес-кантактаў на сустрэчы з дэлегацыяй Башкортастана на чале з першым намеснікам міністра знешнеэканамічных сувязей і кангрэснай дзейнасці Ленай Ізотавай, паведамілі БЕЛТА ў НЦМ.
Сустрэча адбылася ў Гандлёвым прадстаўніцтве РФ у Мінску ў час круглага стала "Асаблівасці вядзення дзелавой актыўнасці для расійскіх кампаній на беларускім рынку".
"Мерапрыемства прайшло ў рэжыме актыўнага дыялогу. Магчымасці і інструменты пошуку дзелавых партнёраў на беларускім рынку, прапанаваныя Нацыянальным цэнтрам маркетынгу, выклікалі жывы інтарэс у прысутных. Асаблівую ўвагу расійскія калегі ўдзялілі пытанням удзелу ў працэдурах закупак беларускіх прадпрыемстваў", - расказалі ў цэнтры.-0-
