ДЗЯРЖОРГАНЫДЗЯРЖОРГАНЫ
Флаг Пятніца, 27 студзеня 2023
Мінск -2°C
Усе навіны
Усе навіны
Эканоміка
16 лістапада 2022, 11:59

Нацбанк вызначыў пералік сістэмна значных банкаў на 2023 год

Фота з архіва
Фота з архіва

16 лістапада, Мінск /Кар. БЕЛТА/. Нацыянальны банк вызначыў пералік сістэмна значных банкаў на 2023 год, паведамілі БЕЛТА ва ўпраўленні інфармацыі і грамадскіх сувязей Нацбанка.

Да групы сістэмнай значнасці І аднесены ААТ "ААБ Беларусбанк", ААТ "Белаграпрамбанк", ААТ "Пріорбанк", ААТ "Ашчад Банк", ААТ "Банк БелВЭБ". Да групы сістэмнай значнасці II аднесены ААТ "Белінвестбанк", ААТ "Белгазпрамбанк", ЗАТ "Альфа-Банк", ЗАТ "Банк ВТБ (Беларусь)", ЗАТ "МТБанк", ААТ "Банк Дабрабыт".

Пералік вызначаецца з мэтай абмежавання рызык банкаў, нябанкаўскіх крэдытна-фінансавых арганізацый, здольных паўплываць на ўстойлівасць функцыянавання банкаўскай сістэмы. Аднясенне банкаў да ліку сістэмна значных ажыццёўлена на падставе агрэгаванай ацэнкі іх сістэмнай значнасці па такіх паказчыках, як маштаб дзейнасці, узаемазвязанасць з банкамі-рэзідэнтамі, значнасць для эканомікі і ўзаемазвязанасць з нерэзідэнтамі. Разлік гэтых паказчыкаў выкананы ў адпаведнасці з патрабаваннямі інструкцыі, зацверджанай пастановай праўлення Нацбанка ад 18 мая 2017 года нумар 180.

На працягу 2023 года гэтым банкам неабходна забяспечыць захаванне нарматываў дастатковасці нарматыўнага капіталу, значэнне якіх вызначаецца з улікам буфера сістэмнай значнасці. Акрамя таго, у гэтых банках саветам дырэктараў (наглядальным саветам) з ліку яго членаў і работнікаў павінен быць сфарміраваны камітэт па ўзнагароджаннях, які будзе ўзначальвацца незалежным дырэктарам.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі