ДЗЯРЖОРГАНЫДЗЯРЖОРГАНЫ
Флаг Чацвер, 29 верасня 2022
Мінск +10°C
Усе навіны
Усе навіны
Эканоміка
12 жніўня 2022, 10:52

Мінтранс: у БЧ дастаткова рухомага саставу для забеспячэння патрэбнасцей грузаадпраўшчыкаў

Фота з архіва
Фота з архіва

12 жніўня, Мінск /Кар. БЕЛТА/. Беларуская чыгунка мае дастатковую колькасць рухомага саставу для забеспячэння патрэбнасцей беларускіх грузаадпраўшчыкаў, заявілі карэспандэнту БЕЛТА ў Міністэрстве транспарту і камунікацый.

На нядаўнім пасяджэнні Савета Міністраў пад старшынствам кіраўніка дзяржавы ўзнімалася тэма транспарту, аператыўнай дастаўкі прадукцыі замежным пакупнікам. Было даручана забяспечыць айчынныя прадпрыемствы дастатковай колькасцю кантэйнераў, вагонаў і чыгуначных платформ, аддаючы прыярытэт экспарцёрам.

"Для Беларускай чыгункі арганізацыя перавозак прадукцыі айчынных прадпрыемстваў на экспарт была і застаецца важнейшай задачай. У агульным аб'ёме грузаў, што перавозяцца чыгуначным транспартам, доля перавозак на экспарт складае 39 працэнтаў", - адзначылі ў Мінтрансе.

З лютага бягучага года з-за санкцыйнага націску штучна закрыты парты краін Балтыі. Акрамя таго, немагчыма ажыццяўляць экспартныя пастаўкі і праз парты Украіны. У існуючай сітуацыі беларускія грузаадпраўшчыкі пераарыентавалі значную частку экспарту на ўсходнеазіяцкі напрамак, а таксама перабудавалі лагістычныя схемы дастаўкі тавараў. "У новых рэаліях БЧ сумесна з грузаўладальнікамі і лагістычнымі кампаніямі Беларусі, Расіі, Казахстана, Азербайджана і Кітая ў найкарацейшыя тэрміны распрацавала транспартна-лагістычныя маршруты дастаўкі беларускай прадукцыі больш як у 20 краін свету - каля 40 маршрутаў. Для арганізацыі перавозак па новых напрамках задзейнічаны рухомы састаў як уласнікаў Беларусі (у тым ліку БЧ), так і аператарскіх кампаній іншых дзяржаў, колькасць якога дастатковая для забеспячэння патрэбнасцей беларускіх грузаадпраўшчыкаў", - падкрэслілі ў ведамстве.

Па выніках работы за 7 месяцаў 2022 года назіраецца рост аб'ёмаў перавозак у Азербайджан, Грузію, Казахстан, Таджыкістан, Расію (у тым ліку ў расійскія парты), Узбекістан. Павялічана ў 5 разоў колькасць адпраўленых кантэйнерных паяздоў з Беларусі ў Кітай.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі