Сцяг Панядзелак, 17 чэрвеня 2024
Усе навіны
Усе навіны
Эканоміка
22 лютага 2023, 12:07

Мінсельгасхарч змяніў мінімальныя экспартныя цэны на малочную прадукцыю

22 лютага, Мінск /Кар. БЕЛТА/. Міністэрства сельскай гаспадаркі і харчавання змяніла гранічныя мінімальныя цэны на тавары, што рэалізуюцца па знешнегандлёвых дагаворах. Гэта прадугледжана пастановай ведамства ад 20 лютага 2023 года нумар 24, якая афіцыйна апублікавана на Нацыянальным прававым інтэрнэт-партале, паведамляе БЕЛТА.

Кошт прадукцыі ўстанаўліваецца ў залежнасці ад рэгіёна экспарту: Расія, краіны ЕАЭС (акрамя Расіі), краіны СНД і Грузія (акрамя краін ЕАЭС), краіны па-за СНД (акрамя Грузіі).

Згодна з дакументам, малако і вяршкі, згушчаныя або з дабаўленнем цукру, у парашку, гранулах або ў іншых цвёрдых відах, нельга прадаваць у Расію танней за 200 расійскіх рублёў за 1 кг. Для краін ЕАЭС, СНД і Грузіі кошт экспарту будзе не ніжэйшы за $2,7 за 1 кг, а для Кітая складзе $2,35 за 1 кг.

У дакумент таксама трапілі такія пазіцыі, як малако і вяршкі без цукру, сметанковае масла і сыры.

Мінімальныя экспартныя цэны на мясную прадукцыю не змяніліся.

Пастанова ўступіла ў сілу з 20 лютага.-0-

Падпісвайцеся на нас у
Twitter
Топ-навіны
Свежыя навіны Беларусі