Сцяг Пятніца, 24 мая 2024
Усе навіны
Усе навіны
Эканоміка
28 сакавіка 2023, 11:05

Мінсельгасхарч устанавіў памер патаннення насення сельгасраслін у 2023 годзе

28 сакавіка, Мінск /Кар. БЕЛТА/. Міністэрства сельскай гаспадаркі і харчавання ўстанавіла памер патаннення часткі кошту (не больш за 50 працэнтаў ад цэн, якія склаліся ў папярэднім годзе ў сярэднім па рэспубліцы) насення сельскагаспадарчых раслін у 2023 годзе. Адпаведная пастанова нумар 32 ад 14 сакавіка 2023 года афіцыйна апублікавана 28 сакавіка на Нацыянальным прававым інтэрнэт-партале, паведамляе БЕЛТА.

Патанненне датычыцца арыгінальнага і элітнага насення сельскагаспадарчых раслін (па відах і рэпрадукцыях), атрыманага і рэалізаванага навуковымі арганізацыямі Нацыянальнай акадэміі навук Беларусі, якія вядуць даследаванні ў галіне аграрных навук, а таксама элітнага насення, атрыманага і рэалізаванага элітвырабляючымі арганізацыямі.

Пастановай вызначаны і аб'ёмы насення сельскагаспадарчых раслін, частка кошту якіх падлягае патанненню.

Пастанова ўступае ў сілу пасля яе афіцыйнага апублікавання.-0-

Падпісвайцеся на нас у
Twitter
Топ-навіны
Свежыя навіны Беларусі