23 студзеня, Мінск /Кар. БЕЛТА/. Міністэрства сельскай гаспадаркі і харчавання ўстанавіла надбаўкі да закупачных цэн на сельскагаспадарчую прадукцыю, што закупляецца ў насельніцтва ў 2023 годзе. Гэта прадугледжана пастановай Мінсельгасхарча ад 16 студзеня 2023 года нумар 11, якая афіцыйна апублікавана на Нацыянальным прававым інтэрнэт-партале, паведамляе БЕЛТА.
Памер надбаўкі за 1 кг каровінага малака базіснай тлустасці, што пастаўляецца арганізацыям для вытворчасці малочных прадуктаў, складзе Br0,1. За 1 кг маладняку буйной рагатай жывёлы жывой вагой да 100 кг, што закупляецца для гадоўлі, надбаўка вызначана ў памеры Br1. Пры закупцы воўны арганізацыямі спажывецкай кааперацыі надбаўка за 1 кг складзе Br5,4, а авечак жывой вагой для перапрацоўкі мяса - Br2,9.
Пастанова ўступае ў сілу пасля яе афіцыйнага апублікавання і распаўсюджвае сваё дзеянне на адносіны, якія ўзніклі з 1 студзеня 2023 года.-0-
