Фота з архіва
3 студзеня, Мінск /Кар. БЕЛТА/. Беларускі прадукт цэняць за якасць і даступнасць, заявіў у эфіры тэлеканала СТБ намеснік міністра сельскай гаспадаркі і харчавання Вадзім Шагойка, паведамляе БЕЛТА.
"Ужо больш як у 100 краінах свету прызнана наша высакаякасная прадукцыя. І людзі ў гэтых краінах гатовы купляць. Вядома, усё ж такі прэміяльны рынак і асноўны - была і застаецца Расійская Федэрацыя. Разам з тым пашыраюцца пастаўкі ў краіны Азіі, актыўна ідуць пастаўкі ў Кітай, не перастаём мы пастаўляць і ў еўрапейскія краіны", - расказаў Вадзім Шагойка.
Беларускія прадукты харчавання ў свеце - прызнаны брэнд. "Цэняць беларускі прадукт за якасць, даступнасць", - дапоўніў намеснік міністра.-0-
