Сцяг Серада, 28 лютага 2024
Усе навіны
Усе навіны
Эканоміка
17 лістапада 2022, 13:28

Мінпрам назваў лідараў сярод прадпрыемстваў па інавацыях, імпартазамяшчэнні, інвестыцыях і якасці

17 лістапада, Мінск /Кар. БЕЛТА/. Міністэрства прамысловасці Беларусі назвала лідараў сярод прадпрыемстваў па інавацыях, імпартазамяшчэнні, інвестыцыях і якасці, паведамілі карэспандэнту БЕЛТА ў прэс-службе Мінпрама.

Мінпрам упершыню правёў конкурсы сярод падведамных арганізацый. Экспертная камісія ацэньвала вынікі дзейнасці прамысловых прадпрыемстваў за 2021 год - першае паўгоддзе 2022 года па намінацыях "Лепшая інавацыйная арганізацыя", "Лепшы імпартазамяшчальны тавар", "Лепшая арганізацыя ў галіне якасці" і "Лепшы інвестыцыйны праект".

Званне "Лепшая інавацыйная арганізацыя" атрымалі ААТ "БЕЛАЗ" - кіруючая кампанія холдынга "БЕЛАЗ-Холдынг" (1-е месца), ААТ "Гомсельмаш" (2-е месца) і ААТ "Магілёўліфтмаш" (3-е месца).

У намінацыі "Лепшы імпартазамяшчальны тавар" адзначаны прадпрыемствы, якія дасягнулі значнага росту экспарту тавараў і, адпаведна, знізілі аб'ём імпарту тавараў-аналагаў. У прыватнасці, ААТ "БМЗ - кіруючая кампанія холдынга "БМК" - за вытворчасць і рэалізацыю нарыхтоўкі бесперапынналітай квадратнай (1-е месца), ААТ "Ольса" - помпаў "Ручаёк" (2-е месца), Смаргонскі агрэгатны завод - мотаблокаў (3-е месца).

Звання "Лепшая арганізацыя ў галіне якасці" ўдастоены Гомельскі завод ліцця і нармалей, ААТ "Ратон" і ААТ "Рудзенск".

У намінацыі "Лепшы інвестыцыйны праект" пераможцамі прызнаны ААТ "Планар" (1-е месца) з праектам "Стварэнне вытворчасці прэцызійных дэталей і высокадакладных вузлоў для асваення выпуску якасна новага спецтэхнічнага абсталявання", ААТ "ММЗ імя С.І. Вавілава - кіруючая кампанія холдынга "БелОМА" (2-е месца) з праектам "Стварэнне вытворчасці оптаэлектроннай тэхнікі на базе цеплавізійных, лазерных сістэм з прымяненнем электронна-аптычных пераўтваральнікаў і высокадакладных аптычных кампанентаў", а таксама ААТ "Экран" (3-е месца) з праектам "Стварэнне механазборачнай вытворчасці дробнасерыйных вырабаў на базе адытыўных тэхналогій".-0-

Падпісвайцеся на нас у
Twitter
Топ-навіны
Свежыя навіны Беларусі