1 сакавіка, Мінск /Кар. БЕЛТА/. На грамадскае абмеркаванне вынесены праект пастановы Савета Міністраў "Аб атэстацыі і пераатэстацыі фізічных асоб у якасці часовых (антыкрызісных) кіраўнікоў", паведамляе БЕЛТА са спасылкай на Нацыянальны прававы інтэрнэт-партал.
Дакументам прапануецца абнавіць агульныя патрабаванні, якія датычацца спынення дзеяння атэстата часовага (антыкрызіснага) кіраўніка і яго анулявання (пастанова Саўміна ад 17 мая 2021 года нумар 273 "Аб атэстацыі і пераатэстацыі фізічных асоб у якасці часовых (антыкрызісных) кіраўнікоў у вытворчасці па справе аб эканамічнай неплацежаздольнасці (банкруцтве)" прызнаецца страціўшым сілу).
Праектам пастановы ўстаноўлены падставы для анулявання атэстата кіраўніка. Акрамя таго, удакладняецца пералік дакументаў, якія пацвярджаюць факты парушэнняў кіраўнікамі заканадаўства аб урэгуляванні неплацежаздольнасці (хадайніцтвы дзяржоргана аб ануляванні атэстата кіраўніка, судовыя пастановы, акты праверак, адмова кіраўніка ад устаранення парушэнняў заканадаўства аб урэгуляванні неплацежаздольнасці і г.д.).
Арганізатар грамадскага абмеркавання - Міністэрства эканомікі.
Свае заўвагі і прапановы можна выказаць у спецыяльнай тэме на прававым форуме з 1 па 11 сакавіка.-0-
