Сцяг Серада, 17 красавіка 2024
Усе навіны
Усе навіны
Эканоміка
27 лютага 2024, 15:37

Мінэканомікі: кіраўнікі прампрадпрыемстваў Беларусі чакаюць павелічэння аб'ёмаў вытворчасці і попыту

Фота з архіва
Фота з архіва
27 лютага, Мінск /Кар. БЕЛТА/. Кіраўнікі прамысловых прадпрыемстваў Беларусі чакаюць павелічэння аб'ёмаў вытворчасці і попыту на сваю прадукцыю. Аб гэтым сведчаць вынікі кан'юнктурнага апытання дырэктараў прамысловых прадпрыемстваў, праведзенага НДЭІ Міністэрства эканомікі ў лютым, паведамілі БЕЛТА ў прэс-службе ведамства.

Практычна трэць удзельнікаў апытання паведамілі аб павелічэнні аб'ёмаў вытворчасці. Захаванне ранейшага ўзроўню выпуску канстатавалі 38 працэнтаў рэспандэнтаў.

Сярэдні перыяд забяспечанасці прадпрыемстваў заказамі вырас да пяцігадовага максімуму - 3,4 месяца. Каэфіцыент загрузкі вытворчых магутнасцей у сярэднім па прамысловасці ў лютым застаўся роўным 68 працэнтаў.

Аб захаванні нязменнага цэнавага ўзроўню паведамілі 83 працэнты рэспандэнтаў. Пераважная большасць апытаных (90 працэнтаў) адзначаюць захаванне альбо рост колькасці работнікаў.

У кароткатэрміновай перспектыве 9 з 10 кіраўнікоў прагназуюць захаванне альбо рост аб'ёмаў вытворчасці. Больш за чвэрць (27 працэнтаў) удзельнікаў апытання лічаць, што прыбытак на прадпрыемствах узрасце. Таксама дырэктары прампрадпрыемстваў чакаюць павелічэння попыту на вырабляемыя тавары як на ўнутраным, так і на знешніх рынках.-0-
Падпісвайцеся на нас у
Twitter
Топ-навіны
Свежыя навіны Беларусі