17 мая, Мінск /Кар. БЕЛТА/. Беларусь і Кітай дасягнулі прагрэсу ў перагаворах па пагадненні аб свабодным гандлі паслугамі і ажыццяўленні інвестыцый, паведамляе БЕЛТА са спасылкай на Міністэрства эканомікі.
Напярэдадні, 16 мая 2023 года, адбыліся міжсесіённыя кансультацыі паміж Міністэрствам эканомікі Беларусі і Міністэрствам камерцыі КНР у кантэксце перагавораў па заключэнні названага пагаднення.
З беларускага боку ў сустрэчы таксама прымалі ўдзел прадстаўнікі Аператыўна-аналітычнага цэнтра пры Прэзідэнце Рэспублікі Беларусь, Нацыянальнага цэнтра абароны персанальных даных і шэрага міністэрстваў (фінансаў, замежных спраў, сувязі і інфарматызацыі).
У цэнтры ўвагі знаходзіліся пытанні перадачы і апрацоўкі даных пры ажыццяўленні фінансавай дзейнасці. Таксама былі разгледжаны ўзаемныя запыты па доступе на рынкі паслуг дзвюх краін.
Як адзначылі ў Мінэканомікі, па выніках сустрэчы ўдалося істотна скараціць пералік няўзгодненых пытанняў па разглядаемых тэмах. Мяркуецца, што двухбаковае пагадненне будзе падпісана да канца гэтага года.-0-
