ДЗЯРЖОРГАНЫДЗЯРЖОРГАНЫ
Флаг Аўторак, 31 студзеня 2023
Мінск -1°C
Усе навіны
Усе навіны
Эканоміка
15 лістапада 2022, 11:40

МАЗ і прадстаўнікі Чада абмеркавалі далейшае супрацоўніцтва

Фота з архіва
Фота з архіва

15 лістапада, Мінск /Кар. БЕЛТА/. МАЗ і прадстаўнікі Чада абмеркавалі перспектывы далейшага супрацоўніцтва, паведамілі БЕЛТА ў прэс-службе прадпрыемства.

Мінскі аўтамабільны завод наведала дэлегацыя на чале з Надзвычайным і Паўнамоцным паслом Рэспублікі Чад у Расіі і ў Беларусі па сумяшчальніцтве Адамам Бешырам Махамудам.

Беларусь і Чад зацікаўлены ў рэалізацыі сумесных праектаў у розных сферах эканомікі. У прыватнасці, у набыцці прадукцыі беларускіх прадпрыемстваў. У час цяперашняга візіту прадстаўнікі афрыканскай дзяржавы змаглі азнаёміцца з вытворчасцю і мадэлямі аўтамабільнай тэхнікі Мінскага аўтазавода і абмеркаваць перспектывы далейшага плённага супрацоўніцтва.

Мінскі аўтамабільны завод - адно з буйнейшых беларускіх машынабудаўнічых прадпрыемстваў, што спецыялізуецца на выпуску велікагрузных аўтамабіляў, спецтэхнікі, аўтобусаў, тралейбусаў і прычапной тэхнікі. Тэхніка адпавядае экалагічным стандартам Еўра-3, 4, 5 і 6. З канвеера завода сыходзяць седлавыя цягачы, бартавыя аўтамабілі, шасі пад устаноўку рознага спецабсталявання - усяго больш за 500 мадэлей і 3 тыс. мадыфікацый.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі