Сцяг Нядзеля, 14 красавіка 2024
Усе навіны
Усе навіны
Эканоміка
19 студзеня 2023, 13:30

МАРГ растлумачыў новыя правілы продажу тавараў

19 студзеня, Мінск /Кар. БЕЛТА/. З 22 студзеня ўступае ў сілу пастанова Савета Міністраў ад 30 снежня 2022 года нумар 964 "Аб змяненні пастаноў Савета Міністраў Рэспублікі Беларусь па пытаннях продажу тавараў". МАРГ растлумачыў гэты дакумент, паведамляе БЕЛТА.

Дакументам прадугледжана змяненне патрабаванняў да размяшчэння алкагольных напіткаў у магазінах. "У выкананне комплексу мер, які прадугледжвае прапрацоўку пытання аб забароне размяшчэння моцных алкагольных напіткаў у прыкасавых і акцыйных зонах гандлёвых аб'ектаў, правілы продажу асобных відаў тавараў і ажыццяўлення грамадскага харчавання, зацверджаныя пастановай Савета Міністраў ад 22 ліпеня 2014 года нумар 703, дапоўнены пунктам, які ўключае забарону на выкладку алкагольных напіткаў у месцы правядзення разлікаў з пакупнікамі, а таксама на гандлёвым абсталяванні, непасрэдна прылеглым да яго. Гэта забарона не будзе распаўсюджвацца на спецыялізаваныя, фірменныя магазіны па продажы алкагольных напіткаў, магазіны бяспошліннага гандлю, магазіны і павільёны з гандлёвай плошчай 400 і менш кв.м, а таксама размешчаныя ў сельскай мясцовасці, аўтамагазіны, аб'екты грамадскага харчавання", - расказалі ў міністэрстве.

Таксама змяняюцца патрабаванні да інфармацыі, якая адлюстроўваецца ў меню аб'ектаў грамадскага харчавання. "П.39 правіл нумар 703 прадугледжана, што інфармацыя аб прадукцыі грамадскага харчавання пазначаецца ў меню. Пры гэтым названымі правіламі, гэтак жа як і іншымі актамі заканадаўства не былі ўстаноўлены патрабаванні да яго зместу. У сувязі з паступленнем зваротаў суб'ектаў гаспадарання аб растлумачэнні ў частцы зместу інфармацыі, якая адзначаецца ў меню, п.41 правіл нумар 703 дапоўнены патрабаваннямі да яго зместу", - паведамілі ў ведамстве.

Для належнага размяшчэння тавараў з выявай дзяржаўных сімвалаў Беларусі правілы нумар 703 дапоўнены п.351, дзе прадугледжваецца, што выкладка такіх тавараў ажыццяўляецца спосабамі, якія даюць магчымасць візуальна аддзяліць іх ад іншых тавараў, і суправаджаецца інфармацыйным надпісам "Дзяржаўныя сімвалы Рэспублікі Беларусь".

Акрамя таго, ствараюцца ўмовы для ўпакоўвання пакупнікамі тавараў, набытых у аўтамагазіне, адмяняецца выкарыстанне рахункаў-даведак пры продажы (адчужэнні) механічных транспартных сродкаў, таксама прадугледжана змяненне правіл продажу тавараў на рынках.

Больш падрабязна з растлумачэннямі да гэтай пастановы можна азнаёміцца на сайце Міністэрства антыманапольнага рэгулявання і гандлю ў раздзеле "Каментарыі/новыя правілы продажу тавараў".-0-

Падпісвайцеся на нас у
Twitter
Топ-навіны
Свежыя навіны Беларусі