Сцяг Субота, 15 чэрвеня 2024
Усе навіны
Усе навіны
Эканоміка
30 мая 2024, 18:36

МАРГ: па крэдытнай праграме "На родныя тавары" заключана дагавораў на Br177 млн

Фота з архіва
Фота з архіва
30 мая, Мінск /Кар. БЕЛТА/. Па крэдытнай праграме "На родныя тавары" заключана дагавораў на Br177 млн. Аб гэтым паведаміла журналістам начальнік упраўлення арганізацыі гандлю і грамадскага харчавання Міністэрства антыманапольнага рэгулявання і гандлю Наталля Мельнікава, перадае карэспандэнт БЕЛТА.

Пастанова Савета Міністраў ад 29 снежня 2023 года нумар 992 "Аб спажывецкім крэдытаванні" была прынята для стымулявання развіцця рознічнага гандлю, у тым ліку ў рэгіёнах, і на прадастаўленне насельніцтву больш камфортных умоў для куплі тавараў. Крэдыты выдае Беларусбанк на тры гады пад фіксаваную на ўвесь тэрмін крэдытавання стаўку 4 працэнты гадавых для набыцця тавараў беларускіх вытворцаў.

"Ёсць умова - аднаму крэдытаатрымальніку ў памеры не большым за 300 базавых велічынь. Банк пералічвае ў безнаяўных сродках на разліковыя рахункі арганізацый гандлю суму, якую пазначае крэдытаатрымальнік у сваіх разліковых дакументах. Пастанова накіравана на ўсе катэгорыі грамадзян. Вызначаны пералік груп тавараў, на якія яна распаўсюджваецца, і пералік арганізацый-вытворцаў, чые тавары можна купляць на льготных умовах", - сказала Наталля Мельнікава. У ліку тавараў - мэбля, халадзільнікі і маразільнікі, пральныя, кухонныя, посудамыечныя машыны, мікрахвалевыя печы, керамічная плітка і санітарна-тэхнічнае абсталяванне, веласіпеды, мапеды, матацыклы, тэлевізары, мотаблокі, міні-трактары.

У красавіку ўнесены змяненні ў пастанову. "Так, праграма крэдытавання прадоўжана да канца 2025 года. Пералік тавараў быў значна пашыраны: раней было 12 груп тавараў, на сёння - 27. Пашыраны і пералік вытворцаў. Унесены новыя групы тавараў, напрыклад драўляныя вырабы для будаўніцтва драўляных дамоў і іх камплектацыі, драўляныя вокны і дзверы. Пашыраны пералікі мотавелатавараў, санітарна-гігіенічнага абсталявання, будаўнічых матэрыялаў. Спіс дапоўнены і таварамі з натуральнага футра і скуры, дывановымі вырабамі, ацяпляльнымі катламі. На сёння, паводле даных Беларусбанка, ужо заключана крэдытных дагавораў на Br177 млн", - адзначыла прадстаўнік МАРГ.

"У МАРГ паступае значная колькасць зваротаў ад вытворцаў аб уключэнні ў спіс. Прапрацоўваюцца змяненні ў пералікі вытворцаў і групы тавараў. Прапрацоўваецца і павелічэнне максімальнай сумы крэдыту", - звярнула ўвагу Наталля Мельнікава.-0-
Падпісвайцеся на нас у
Twitter
Топ-навіны
Свежыя навіны Беларусі