29 сакавіка, Масква /Эдуард Півавар - БЕЛТА/. Пасол Беларусі ў Расіі Дзмітрый Крутой сустрэўся з генеральным дырэктарам публічна-прававой кампаніі "Расійскі экалагічны аператар" Дзянісам Буцаевым, паведамілі БЕЛТА ў прэс-службе дыппрадстаўніцтва.
"Бакі абмеркавалі сумеснае супрацоўніцтва ў галіне абыходжання з цвёрдымі камунальнымі адходамі (ЦКА), уключаючы пытанні ўдасканалення і актуалізацыі заканадаўства дзвюх краін у галіне абыходжання з ЦКА; выяўлення лепшых практык, звязаных з прымяненнем актуальных тэхналогій па абыходжанні з ЦКА; арганізацыі дзейнасці па зборы і выкарыстанні ЦКА; а таксама пастаўкі смеццявозаў ААТ "МАЗ" у рэгіёны Расіі, удзел беларускай дэлегацыі ў Х Неўскім міжнародным экалагічным кангрэсе, які пройдзе 25-26 мая 2023 года ў Санкт-Пецярбургу", - адзначылі ў пасольстве.
У сустрэчы таксама прыняў удзел генеральны дырэктар ААТ "МАЗ" - кіруючая кампанія холдынга "БелаўтаМАЗ" Валерый Іванковіч.-0-
