17 лютага, Мінск /Кар. БЕЛТА/. Павышэнне эфектыўнасці і нарошчванне экспарту - залог поспеху беларускіх прадпрыемстваў. Аб гэтым заявіў намеснік міністра эканомікі Дзмітрый Ярашэвіч у час наведвання КВУП "Кандытарская фабрыка "Віцьба", паведамілі БЕЛТА ў прэс-службе Мінэканомікі.
Намесніка міністра цікавілі вынікі тэхнічнага перааснашчэння вытворчасці, меры, якія прымаюцца для нарошчвання выпуску імпартазамяшчальнай прадукцыі, узровень зарплат работнікаў, адзначылі ў прэс-службе.
На думку Дзмітрыя Ярашэвіча, умацаванне традыцыйных і наладжванне новых дзелавых кантактаў дасць магчымасць значна павялічыць продажы і зарабіць дадатковыя сродкі для развіцця. "Толькі на рынку Расіі з сыходам замежных кампаній з'явіліся вялікія нішы, у тым ліку і для прадукцыі фабрыкі. Эфектыўныя тэхналогіі, высакаякасная сыравіна, прафесіяналізм працоўнага калектыву і даступная цана - вашы несумненныя канкурэнтныя перавагі. Цяпер важна не ўпусціць гэтыя новыя магчымасці, павышаць эфектыўнасць прадпрыемства і актыўней пазіцыянаваць сябе на знешніх рынках, нарошчваючы экспарт і пашыраючы геаграфію паставак прадукцыі. У гэтым сёння залог поспеху прадпрыемства", - падкрэсліў намеснік міністра эканомікі.-0-
