ДЗЯРЖОРГАНЫДЗЯРЖОРГАНЫ
Флаг Пятніца, 27 студзеня 2023
Мінск -2°C
Усе навіны
Усе навіны
Эканоміка
09 лістапада 2022, 16:06

Як у Беларусі развіваюць вытворчасць мармуровай ялавічыны

Фота pexels
Фота pexels

9 лістапада, Мінск /Кар. БЕЛТА/. Як у Беларусі развіваюць вытворчасць мармуровай ялавічыны, на прэс-канферэнцыі расказаў намеснік міністра сельскай гаспадаркі і харчавання Вадзім Шагойка, перадае карэспандэнт БЕЛТА.

"Вытворчасць мармуровай ялавічыны - новы напрамак развіцця для нашай краіны, аднак гэты працэс ужо вядзецца. Фарміруюцца спецыяльныя статкі буйной рагатай жывёлы мяснога напрамку. Улічваючы працяглы час гадоўлі жывёлы і асаблівы падыход, вытворчасць мармуровай ялавічыны будзе больш затратнай. Адпаведна, і канечны прадукт будзе мець больш высокі цэннік", - сказаў Вадзім Шагойка.

Ён дадаў, што гэты прадукт ужо ёсць на прылаўках магазінаў, але не ў шырокім асартыменце. Паводле яго слоў, гэта і экспартна арыентаваная галіна. Акрамя таго, у Беларусі прадугледжваюцца праграмы развіцця мясной жывёлагадоўлі па пашырэнні і нарошчванні аб'ёмаў вытворчасці.

"Што датычыцца 28-й міжнароднай спецыялізаванай харчовай выстаўкі-кірмашу "Прадэкспа" - гэта даволі маштабнае мерапрыемства і за многія гады яно зарэкамендавала сябе як эфектыўная дыялогавая пляцоўка. У бягучым годзе ў выстаўцы прымуць удзел больш за 100 экспанентаў з Беларусі і Расійскай Федэрацыі. У прадстаўнікоў прадпрыемстваў і гандлёвых сетак будзе магчымасць заключыць кантракты і дамоўленасці", - падкрэсліў намеснік міністра сельскай гаспадаркі і харчавання.

Таксама ў час правядзення выстаўкі прадугледжаны шэраг бізнес-сустрэч і перагавораў. Вялікая ўвага будзе ўдзелена дзелавому форуму, на якім будуць разгледжаны пытанні спажывецкага рынку, імпартазамяшчэння, а таксама харчовай бяспекі.

Вадзім Шагойка адзначыў, што развіццё сельскай гаспадаркі ў Беларусі знаходзіцца на даволі высокім узроўні і мае штогадовы прырост. Так, у краіне ўдасканальваюцца тэхналогіі і пашыраецца асартымент выпускаемай прадукцыі. Акрамя таго, прадукцыя ў Беларусі вырабляецца са значным запасам - экспартным патэнцыялам, а таксама карыстаецца попытам у замежных краінах дзякуючы сваёй якасці.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі