21 снежня, Гомель /Кар. БЕЛТА/. "Гомсельмаш" і турэцкая кампанія прапрацоўваюць тэхнічныя аспекты супрацоўніцтва, паведамілі БЕЛТА на прадпрыемстве.
Нядаўна дэлегацыя турэцкай кампаніі, якая спецыялізуецца на гідраўлічнай прадукцыі, наведала "Гомсельмаш". Цяпер бакі прапрацоўваюць тэхнічныя аспекты супрацоўніцтва.
Гандлёвы прадстаўнік кампаніі са Стамбула Юнус Чамлытэпе пацвердзіў гатоўнасць да супрацоўніцтва з беларускім бокам. Ён адзначыў, што папярэдне разлічвае на аб'ёмы, эквівалентныя мільёнам долараў.
Юнус Чамлытэпе падкрэсліў, што ў час візіту турэцкая дэлегацыя ацаніла размах вытворчасці. "Мы ведаем, што пасля ўвядзення санкцый попыт на гомельскую тэхніку вырас у Расіі, таму наша супрацоўніцтва мы яшчэ расцэньваем і як патэнцыяльны выхад на расійскі рынак. Таксама мы гатовы аказаць садзейнічанне ў прэзентацыі тэхнікі "Гомсельмаша" на турэцкай пляцоўцы", - сказаў ён. Прадстаўнік турэцкага боку выказаў меркаванне, што брэндавая тэхніка без праблем знойдзе свайго пакупніка.-0-
