ДЗЯРЖОРГАНЫДЗЯРЖОРГАНЫ
Флаг Серада, 10 жніўня 2022
Мінск +20°C
Усе навіны
Усе навіны
Эканоміка
25 мая 2022, 17:01

Галоўчанка прыме ўдзел у Еўразійскім эканамічным форуме

Раман Галоўчанка. Фота з архіва
Раман Галоўчанка. Фота з архіва

25 мая, Мінск /Кар. БЕЛТА/. Прэм'ер-міністр Беларусі Раман Галоўчанка па відэасувязі прыме ўдзел у Еўразійскім эканамічным форуме, які пройдзе 26 мая ў Бішкеку, паведамілі карэспандэнту БЕЛТА ў прэс-службе ўрада.

"Форум стане пляцоўкай прамога ўзаемадзеяння па найбольш актуальных пытаннях развіцця Еўразійскага эканамічнага саюза, прадпрымальніцкай дзейнасці на тэрыторыі ЕАЭС, зялёнай энергетыкі, а таксама ўмацавання міжрэгіянальных сувязей і фарміравання кааперацыйнага супрацоўніцтва", - адзначылі ў прэс-службе.

Дзелавая праграма форуму складаецца з шасці панэльных дыскусій, якія прадугледжваюць абмеркаванне перспектыў стратэгічнага развіцця еўразійскай інтэграцыі, магчымасцей для эканамічнай стабільнасці дзяржаў ЕАЭС, пытанняў у сферы прамысловасці, аграпрамысловага комплексу, энергетычнай, транспартнай інфраструктуры, лічбавага парадку дня, а таксама новых напрамкаў узаемадзеяння ў саюзе.

Форум адкрые панэльная дыскусія "Перспектывы стратэгічнага развіцця еўразійскай інтэграцыі ў эпоху глабальных змяненняў", спікерамі якой стануць члены Савета Еўразійскай эканамічнай камісіі - намеснікі кіраўнікоў урадаў краін ЕАЭС. З беларускага боку выступіць віцэ-прэм'ер Ігар Петрышэнка.

Плануецца, што ў мерапрыемствах форуму паўдзельнічаюць прадстаўнікі органаў дзяржаўнай улады, навукі і бізнесу краін ЕАЭС.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі