ДЗЯРЖОРГАНЫДЗЯРЖОРГАНЫ
Чацвер, 28 студзеня 2021
Мінск Суцэльная воблачнасць -2°C
Усе навіны
Усе навіны
Эканоміка
02 снежня 2020, 16:06

Экспартныя перавозкі грузаў па БЧ у лістападзе ўзраслі на 6,1 працэнта

Фота з архіва
Фота з архіва

2 снежня, Мінск /Кар. БЕЛТА/. Экспартныя перавозкі грузаў па Беларускай чыгунцы ў лістападзе, паводле аператыўных даных, павялічыліся на 6,1 працэнта ў параўнанні з аналагічным перыядам мінулага года і склалі 4,3 млн т, паведамілі БЕЛТА ў прэс-цэнтры БЧ.

"У параўнанні з лістападам 2019 года ў 1,5 раза павялічылася перавозка ўгнаенняў і цэменту, на 11 працэнтаў - нафтапрадуктаў. Пры гэтым асноўныя напрамкі экспарту - гэта парты Літвы і Латвіі (з наступнай марской перавозкай у краіны Заходняй Еўропы, Паўднёва-Усходняй Азіі, а таксама Паўднёвай Амерыкі), Расіі, Украіны і Польшчы", - расказалі ў прэс-цэнтры.

Таксама ў лістападзе бягучага года на 2,2 працэнта ў параўнанні з аналагічным перыядам мінулага года павялічылася пагрузка грузаў і склала каля 7,5 млн т.

Беларуская чыгунка гатова выканаць усе заяўкі прадпрыемстваў на перавозку грузаў, як унутры краіны, так і за яе межы. Больш падрабязную інфармацыю можна атрымаць на афіцыйным сайце БЧ www.rw.by ў раздзеле "Грузавыя перавозкі".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі