ДЗЯРЖОРГАНЫДЗЯРЖОРГАНЫ
Флаг Чацвер, 8 чэрвеня 2023
Мінск Ясна +15°C
Усе навіны
Усе навіны
Эканоміка
17 сакавіка 2023, 15:56

Дзяржстандарт аб'явіў конкурс на лепшыя тавары 2023 года

Фота з архіва
Фота з архіва

17 сакавіка, Мінск /Кар. БЕЛТА/. Дзяржстандарт аб'явіў конкурс на лепшыя тавары 2023 года. Аб гэтым заявіла на прэс-канферэнцыі "Дасягненні беларускай эканомікі. Конкурс "Лепшыя тавары Рэспублікі Беларусь" першы намеснік старшыні Дзяржстандарту Алена Маргунова, перадае карэспандэнт БЕЛТА.

"Дадзены старт чарговаму, 22-му, конкурсу "Лепшыя тавары Рэспублікі Беларусь". Ён будзе праходзіць па новых патрабаваннях. Заяўкі на ўдзел арганізацыі могуць накіроўваць у сакратарыяты абласных конкурсных камісій да 1 верасня. Ідучы ў нагу з працэсамі лічбавізацыі, з гэтага года мы пераходзім на электронны фармат падачы дакументаў. Запрашаем усе айчынныя прадпрыемствы да ўдзелу ў конкурсе", - сказала Алена Маргунова.

Штогод, пачынаючы з 2002 года, Дзяржстандартам сумесна з абласнымі і Мінскім гарадскім выканаўчымі камітэтамі праводзіцца конкурс "Лепшыя тавары Рэспублікі Беларусь". Конкурс садзейнічае вытворчасці высакаякасных і канкурэнтаздольных айчынных тавараў і паслуг, у тым ліку новых відаў, садзейнічае іх пашырэнню на ўнутраны і знешні рынкі, а таксама павышэнню даверу спажыўцоў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі