ДЗЯРЖОРГАНЫДЗЯРЖОРГАНЫ
Флаг Аўторак, 9 жніўня 2022
Мінск Малавоблачна +15°C
Усе навіны
Усе навіны
Эканоміка
13 чэрвеня 2022, 13:40

Дырэктар БШПЗ: пільную ўвагу ўдзяляем якасці і працуем над яе павышэннем

Фота БШПЗ
Фота БШПЗ

13 чэрвеня, Мінск /Кар. БЕЛТА/. Барысаўскі шпалапрапітны завод пільную ўвагу ўдзяляе якасці прадукцыі і пастаянна працуе над яе павышэннем. Аб гэтым паведаміў у інтэрв'ю карэспандэнту БЕЛТА дырэктар прадпрыемства Генадзь Прасмыцкі.

"Завод пільную ўвагу ўдзяляе якасці прадукцыі і пастаянна працуе над яе паляпшэннем. Спажыўцы, якія з намі супрацоўнічаюць многія гады, гатовы закупляць нашы тавары нават па больш высокай цане. Іх задавольвае якасць і тэрміны эксплуатацыі прадукцыі БШПЗ", - сказаў Генадзь Прасмыцкі.

Таксама завод сертыфікаваны сістэмай менеджменту якасці ISO 9001. У мінулым годзе прадпрыемства атрымала прэмію ўрада ў галіне якасці. "Таксама мы пастаянна выйграём конкурс "Лепшыя тавары года". У 2021 годзе занялі першае месца ў Барысаве сярод прадпрыемстваў з колькасцю да 500 чалавек, - дадаў дырэктар. - Цяпер мы вядзём распрацоўку міжнароднага стандарту сумесна з Расіяй па шпалапрадукцыі. Пастаянна працуем над патанненнем сваіх антысептыкаў".

На гэты момант прадпрыемства плённа супрацоўнічае з Беларускім дзяржаўным тэхналагічным універсітэтам. "Наша сумесная распрацоўка з БДТУ дала магчымасць выкарыстоўваць піролізную смалу (вытворчасці "Нафтан") у якасці асноўнага кампанента пры апрацоўцы шпал. Раней мы ў асноўным прымянялі сланцавае масла, якое закуплялася за валюту ў Эстоніі. Цяпер жа мы стараемся максімальна адыходзіць ад імпарту", - расказаў Генадзь Прасмыцкі.

На тэрыторыі завода абсталявана лабараторыя пад адкрытым небам. Там узоры драўніны, апрацаваныя эксперыментальнымі саставамі, правяраюць на практыцы, пакідаючы на некалькі гадоў у натуральных умовах. "Вучоныя з БДТУ прыязджаюць сюды і праводзяць маніторынг з нашым інжынерам па якасці. Цяпер мы зможам не на словах, а на практыцы паказаць, як паводзіць сябе шпала, драўніна, апрацаваная нашымі антысептыкамі", - падкрэсліў ён.

"У цэлым наша канкурэнтная перавага - гэта якасць і аб'ёмы. Праектная магутнасць прадпрыемства разлічана да 1 млн шпал за год. Мы сваю планку трымаем, заўсёды ў тэрмін выконваем заказы. Часам даводзіцца і ў начныя змены працаваць, каб своечасова адгрузіць заказ", - адзначыў дырэктар завода.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі