4 лістапада, Мінск /Кар. БЕЛТА/. Доля секцыі інфармацыі і сувязі ў ВУП Беларусі за 9 месяцаў бягучага года склала 7 працэнтаў, паведамілі БЕЛТА ў прэс-службе Мінсувязі.
Па выніках дзевяці месяцаў 2022 года ў галіне "Інфармацыя і сувязь" забяспечаны тэмп росту валавой дабаўленай вартасці на ўзроўні 102,6 працэнта, а ўдзельная вага ў ВУП краіны склала 7 працэнтаў.
У студзені - верасні 2022 года захавана стабільнае фінансавае становішча арганізацый, якія ажыццяўляюць дзейнасць у сферы сувязі і інфарматызацыі.
"Аб'ём аказаных паслуг, выкананых работ за справаздачны перыяд даў магчымасць забяспечыць у сістэме Мінсувязі дасягненне ўстаноўленых паказчыкаў сацыяльна-эканамічнага развіцця, у тым ліку мэтавага параметра па росце заработнай платы", - адзначылі ў прэс-службе ведамства.-0-
