12 чэрвеня, Мінск /Кар. БЕЛТА/. Беларусь даўно займаецца імпартазамяшчэннем, у тым ліку ў сферы АПК, і гэта дасць магчымасць мінімізаваць наступствы санкцый. Аб гэтым заявіў міністр сельскай гаспадаркі і харчавання Ігар Брыло ў інтэрв'ю праграме "Контуры" на тэлеканале АНТ, паведамляе БЕЛТА.
"Многія заяўлялі, што нібыта беларуская сельская гаспадарка спынецца, таму што не будзе запасных частак для імпартнай тэхнікі. Пры гэтым імпартнай трактарнай тэхнікі ў нас толькі 4 працэнты, кормаўборачных камбайнаў - 12 працэнтаў, збожжаўборачных камбайнаў - 22 працэнты. Гэтыя лічбы не з'яўляюцца крытычнымі. Мы даволі спакойна ўсё перажывём. І дзякуй богу, што мы даўно пачалі займацца імпартазамяшчэннем. Санкцыі нас на лапаткі не паложаць. А калі нейкія тонкасці будуць, будзем аператыўна рэагаваць", - сказаў Ігар Брыло.
"У Беларусі не было і не будзе галодных бунтаў. Мы ўсё забяспечым, усё зробім для свайго насельніцтва. Краіна будзе накормлена, беларусы як спажывалі, так і будуць спажываць самыя смачныя прадукты харчавання", - заявіў міністр.-0-
