4 мая, Мінск /Кар. БЕЛТА/. Мэта рэформы трансфармацыі прадпрымальніцкай дзейнасці - простыя і зразумелыя правілы гульні для ўсіх суб'ектаў гаспадарання. Аб гэтым заявіла намеснік міністра эканомікі Таццяна Бранцэвіч у час дыялогавай пляцоўкі з прадстаўнікамі бізнесу ў Брэсцкай вобласці, паведамілі БЕЛТА ў прэс-службе Мінэканомікі.
Гэта мерапрыемства - другое з серыі сустрэч з дзелавой супольнасцю для інфармавання аб сутнасці рэформы па трансфармацыі прадпрымальніцкай дзейнасці, прапанаванай урадам.
Цэнтральнай тэмай дыскусіі стала абмеркаванне праекта Закона "Аб змяненні законаў па пытаннях прадпрымальніцкай дзейнасці".
"Дзеючым прадпрымальнікам прапануюцца стымулы да пераходу на новы ўзровень развіцця: паскораны, гэта значыць "дзень у дзень" парадак перарэгістрацыі з ІП у камерцыйную арганізацыю, спрашчэнне адміністравання бізнес-працэсаў, пашырэнне доступу да дзяржаўнай фінансавай падтрымкі. Мэта рэформы - простыя і зразумелыя правілы гульні для ўсіх суб'ектаў гаспадарання. Гэта ў цэлым важны пазітыўны сігнал дзелавой супольнасці", - сказала Таццяна Бранцэвіч.
Удзельнікі сустрэчы атрымалі падрабязныя растлумачэнні з боку дзяржаўных органаў па ўсіх пытаннях, якія датычацца законапраекта. На наступным тыдні інфармацыйная работа з прадпрымальнікамі будзе прадоўжана ў іншых рэгіёнах Беларусі.-0-
