3 мая, Мінск /Кар. БЕЛТА/. Аб'яднанне патэнцыялаў бізнес-саюзаў Беларусі і Расійскай Федэрацыі садзейнічае накіраванню прадукцыі на новыя рынкі. Аб гэтым сказала намеснік міністра эканомікі Таццяна Бранцэвіч, паведамілі БЕЛТА ў прэс-службе Мінэканомікі.
Таццяна Бранцэвіч і намеснік дырэктара Дэпартамента па прадпрымальніцтве Ірына Бабачонак сустрэліся з прэзідэнтам Агульнарасійскай грамадскай арганізацыі малога і сярэдняга прадпрымальніцтва "Апора Расіі" Аляксандрам Калініным і прадстаўніком Мінэканамразвіцця Расіі ў Беларусі Ільёй Фёдаравым.
У час сустрэчы разгледжаны пытанні ўзаемадзеяння ў сферы МСП, магчымасці рэалізацыі сумесных праектаў, у тым ліку ў галіне вытворчай кааперацыі, аб'яднання намаганняў бізнес-саюзаў і асацыяцый дзвюх дзяржаў для асваення новых экспартных рынкаў краін Паўднёва-Усходняга рэгіёна і Афрыкі.
Дасягнута дамоўленасць аб садзейнічанні ў арганізацыі ўзаемнага ўдзелу суб'ектаў малога і сярэдняга бізнесу ў эканамічных форумах, выстаўках і іншых мерапрыемствах, якія праводзяцца для прадпрымальнікаў у Беларусі і Расійскай Федэрацыі.-0-
