Сцяг Серада, 22 мая 2024
Усе навіны
Усе навіны
Эканоміка
13 сакавіка 2024, 15:54

"Белінтэрэкспа" прымае заяўкі прадпрыемстваў для ўдзелу ў шматгаліновай выстаўцы ў Рэспубліцы Карэя

Фота "Белінтэрэкспа"
Фота "Белінтэрэкспа"
13 сакавіка, Мінск /Кар. БЕЛТА/. Калектыўная экспазіцыя беларускай прадукцыі Made in Belarus фарміруецца для прадстаўлення на міжнароднай выстаўцы Korea Import Fair 2024, якая пройдзе ў Сеуле з 4 па 6 ліпеня 2024 года, паведамілі карэспандэнту БЕЛТА ва УП "Белінтэрэкспа" БелГПП.

Korea Import Fair 2024 з'яўляецца аптымальнай партнёрскай выстаўкай дзелавога сегмента, на якой перспектыўныя замежныя кампаніі, што імкнуцца выйсці на карэйскі рынак, сустракаюцца з імпарцёрамі і дыстрыб'ютарамі пры ўдзеле больш як 50 замежных пасольстваў у Рэспубліцы Карэя. У 2017 годзе гэта краіна стала адзінаццатым гандлёвым партнёрам, з якім Беларусь завяршыла двухбаковыя перагаворы па доступе на рынкі тавараў і паслуг у рамках далучэння Беларусі да Сусветнай гандлёвай арганізацыі. У 2021 годзе падпісаны пратакол аб заснаванні Беларуска-карэйскага савета дзелавога супрацоўніцтва.

Нацыянальны выставачны аператар "Белінтэрэкспа" Беларускай гандлёва-прамысловай палаты арганізуе прыём заявак з вызначэннем індывідуальнай карткі ўдзельніка для кожнага айчыннага прадпрыемства ў рамках экспазіцыі Made in Belarus.

Міжнародны выставачны форум Korea Import Fair 2024 праводзіцца пры падтрымцы Карэйскай асацыяцыі імпарцёраў (KOIMA), Міністэрства гандлю, прамысловасці і энергетыкі (MOTIE) і Карэйскага агенцтва па садзейнічанні гандлёвым інвестыцыям (KOTRA). Асноўнымі элементамі прэзентацыі прадукцыі на шматгаліновай выстаўцы з'яўляюцца прадукты харчавання і напіткі, касметыка, дзіцячыя тавары, ювелірныя вырабы і аксесуары, тавары для спорту і адпачынку, электрычныя і электронныя прыборы, прадметы першай неабходнасці, паслугі сферы гандлю і падарожжаў.

Выстаўка Korea Import Fair 2024 суправаджаецца шырокай дзелавой праграмай, якая ўключае семінары, B2B-сустрэчы і дыялогавыя бізнес-пляцоўкі. Дадаткова для пула ўдзельнікаў калектыўнай экспазіцыі Made in Belarus прадпрыемствам "Белінтэрэкспа" запытваюцца асобныя дзелавыя перагаворы з буйнымі бізнес-асацыяцыямі Рэспублікі Карэя.

Удзел беларускіх кампаній у выстаўцы пасадзейнічае пашырэнню геаграфіі экспарту і стварэнню новых партнёрскіх сувязей, адкрыццю шляху да ўстойлівага развіцця айчыннага бізнесу на рынку Паўднёвай Карэі і рэгіёна ў цэлым, адзначылі ў "Белінтэрэкспа".-0-
Падпісвайцеся на нас у
Twitter
Топ-навіны
Свежыя навіны Беларусі