ДЗЯРЖОРГАНЫДЗЯРЖОРГАНЫ
Флаг Аўторак, 9 жніўня 2022
Мінск Малавоблачна +15°C
Усе навіны
Усе навіны
Эканоміка
16 чэрвеня 2022, 11:45

БЕЛАЗ: нягледзячы на ўсе выклікі, экспартуем прадукцыю і павышаем яе якасць

16 чэрвеня, Мінск /Кар. БЕЛТА/. Нягледзячы на ўсе выклікі, экспартуем прадукцыю і павышаем яе якасць. Аб гэтым сказаў намеснік генеральнага дырэктара па кіраванні сістэмай якасці ААТ "БЕЛАЗ" - кіруючая кампанія холдынга "БЕЛАЗ-Холдынг" Віталь Быліцкі, паведамляе карэспандэнт БЕЛТА.

Беларускі аўтамабільны завод на працягу многіх гадоў з'яўляецца флагманам айчыннай прамысловасці і экспартуе больш за 90 працэнтаў сваёй прадукцыі, у тым ліку і ў далёкае замежжа. Тэхніка прадпрыемства эксплуатуецца як у суровых умовах поўначы, так і ў трапічным клімаце. "БЕЛАЗ заўсёды быў у тройцы сусветных лідараў па кар'ернай тэхніцы. У сувязі з апошнімі падзеямі сёння прыярытэтным рынкам для нас з'яўляецца Расійская Федэрацыя, таксама мы не спыняем пастаўкі ў Індыю, Алжыр і іншыя краіны. Акрамя таго, асвойваем новыя рынкі. У цэлым рухаемся наперад і шукаем спажыўцоў ва ўсім свеце", - сказаў Віталь Быліцкі.

"Мы трымаем якасць сваёй прадукцыі на высокім узроўні, каб забяспечыць яе канкурэнтаздольнасць, паколькі гэта самы важны параметр. Мы ўжо сёмы раз пацвярджаем званне лаўрэата прэміі ўрада за дасягненні ў галіне якасці", - падкрэсліў ён.

Што датычыцца інавацыйных рашэнняў, прадпрыемства ў гэтым напрамку не стаіць на месцы і ўкараняе сучасныя тэхналогіі ў вытворчасць тэхнікі. "У нас ёсць праекты, якія звязаны з энергазберажэннем, таксама мы развіваем электрамабільную тэматыку, гібрыдную (дызель-тралейвозы), укараняем сучасныя тэхналогіі маніторынгу самазвалаў", - расказаў Віталь Быліцкі.

ААТ "БЕЛАЗ" - кіруючая кампанія холдынга "БЕЛАЗ-Холдынг" - буйнейшы сусветны вытворца кар'ерных самазвалаў і транспартнага абсталявання для горназдабыўной і будаўнічай прамысловасці. Займае каля 30 працэнтаў сусветнага рынку кар'ерных самазвалаў асабліва вялікай грузападымальнасці. Вырабляе самы вялікі ў свеце кар'ерны самазвал грузападымальнасцю 450 т.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі