ДЗЯРЖОРГАНЫДЗЯРЖОРГАНЫ
Флаг Чацвер, 8 снежня 2022
Мінск -1°C
Усе навіны
Усе навіны
Эканоміка
24 жніўня 2022, 10:43

Беларускія аграрыі ўбралі рапс на 85 працэнтах плошчаў

Фота з архіва
Фота з архіва

24 жніўня, Мінск /Кар. БЕЛТА/. Беларускія аграрыі ўбралі рапс на больш як 85 працэнтах плошчаў. Аб гэтым карэспандэнту БЕЛТА паведамілі ў Міністэрстве сельскай гаспадаркі і харчавання.

Паводле аператыўных даных, на раніцу 24 жніўня ў цэлым па краіне збожжавыя і зернебабовыя культуры (без кукурузы, грэчкі і проса) убраны з 1,9 млн га, што складае 89,3 працэнта ад плана. У Віцебскай вобласці ўбрана 77,3 працэнта плошчаў (274,6 тыс. га), Гомельскай - 91,5 працэнта (311,7 тыс. га), Гродзенскай - 89,2 працэнта (272,3 тыс. га), Мінскай - 91,4 працэнта (410,2 тыс. га), Магілёўскай - 85,8 працэнта (284,4 тыс. га).

У краіне намалочана 7,089 млн т збожжа пры сярэдняй ураджайнасці 37,3 ц/га. Ураджайнасць адзначаецца вышэйшая, чым за аналагічны перыяд мінулага года. У 2021 годзе яна склала 30,5 ц/га.

Рапс убралі з 308,9 тыс. га, што складае 85,4 працэнта да ўборачнай плошчы, намалацілі 816,2 тыс. т пры сярэдняй ураджайнасці 26,4 ц/га. Пасеялі азімы рапс на зерне на 332,5 тыс. га - гэта 78,6 працэнта ад плана. Намалочана 11,87 тыс. т яравога рапсу пры ўраджайнасці 19 ц/га.

Другі ўкос траў праведзены на 875,2 тыс. га (85,7 працэнта ад плана). Нарыхтавана 750,9 тыс. т сена (78,6 працэнта ад плана) і 11,99 млн т сенажу (89,3 працэнта).

У гэты перыяд працаваў 5831 збожжаўборачны камбайн, што складае 77,3 працэнта да наяўнасці гэтай тэхнікі ў Беларусі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі