ДЗЯРЖОРГАНЫДЗЯРЖОРГАНЫ
Чацвер, 24 верасня 2020
Мінск Малавоблачна +14°C
Усе навіны
Усе навіны
Эканоміка
12 жніўня 2020, 15:16

Беларуская грузавая тэхніка будзе шырэй выкарыстоўвацца ў рэгіянальных праектах Егіпта

Фота з архіва
Фота з архіва

12 жніўня, Мінск /Аліна Грышкевіч - БЕЛТА/. Беларуская грузавая тэхніка будзе шырэй выкарыстоўвацца ў рэалізуемых Егіптам на рэгіянальным узроўні праектах развіцця. Аб гэтым расказаў карэспандэнту БЕЛТА пасол Беларусі ў Егіпце Сяргей Цярэнцьеў.

Перспектывы пашырэння міжрэгіянальнага супрацоўніцтва дзвюх краін разглядаліся на сустрэчы беларускага дыпламата з міністрам па справах рэгіянальнага развіцця Егіпта Махмудам Шаараві. "Закрануты пытанні больш шырокага выкарыстання грузавой, камунальнай, дарожна-будаўнічай, сельскагаспадарчай тэхнікі, выпускаемай на сумесных беларуска-егіпецкіх вытворчых лініях у Егіпце, у розных праектах, ажыццяўляемых у рэгіёнах Егіпта", - адзначыў Сяргей Цярэнцьеў.

Пасол і міністр вялі размову ў тым ліку аб удзеле беларускага боку ў мадэрнізацыі егіпецкіх рэгіянальных прадпрыемстваў, развіцці вытворчасцей і сэрвісных цэнтраў у рэгіёнах Егіпта для стварэння дадатковых рабочых месцаў для егіпецкай моладзі.

Беларусь і Егіпет маюць намер таксама разгледзець магчымасць супрацоўніцтва ў падрыхтоўцы кадраў і пашырэнні ўзаемадзеяння паміж рэгіянальнымі ўніверсітэтамі. Акрамя таго, на перагаворах была адзначана важнасць абмену вопытам у галіне лічбавізацыі работы органаў дзяржаўнага кіравання.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі