ДЗЯРЖОРГАНЫДЗЯРЖОРГАНЫ
Флаг Аўторак, 9 жніўня 2022
Мінск Малавоблачна +15°C
Усе навіны
Усе навіны
Эканоміка
23 чэрвеня 2022, 16:23

Беларуска-лацінаамерыканскі форум пройдзе ў Маскве 28 чэрвеня

Фота з архіва
Фота з архіва

23 чэрвеня, Масква /Эдуард Півавар - БЕЛТА/. У Маскве, у Дзелавым і культурным комплексе пасольства Беларусі ў Расіі, 28 чэрвеня пройдзе беларуска-лацінаамерыканскі форум, паведамілі карэспандэнту БЕЛТА ў прэс-службе дыппрадстаўніцтва.

"Мэта форуму - прэзентацыя беларускага экспартнага патэнцыялу, устанаўленне прафесійных кантактаў і адкрыты абмен думкамі аб ходзе і перспектывах гандлёва-эканамічнага супрацоўніцтва Беларусі з краінамі Лацінскай Амерыкі", - расказалі ў прэс-службе.

У мерапрыемстве плануецца ўдзел прадстаўнікоў пасольстваў краін Лацінскай Амерыкі ў Беларусі і Расіі. Гэта паслы, кіраўнікі дыпмісій і іншыя дыпламаты Аргенціны, Балівіі, Бразіліі, Венесуэлы, Гватэмалы, Гандураса, Дамініканы, Калумбіі, Коста-Рыкі, Кубы, Мексікі, Нікарагуа, Панамы, Парагвая, Перу, Уругвая, Чылі, Эквадора і Эль-Сальвадора.

З беларускага боку на форуме выступяць намеснік міністра замежных спраў Яўген Шэстакоў, пасол Беларусі ў Расіі Уладзімір Сямашка, дырэктар Нацыянальнага цэнтра маркетынгу і кан'юнктуры цэн Мікалай Барысевіч, генеральны дырэктар кіруючай кампаніі холдынга "Белфармпрам" Сяргей Казакевіч, намеснік старшыні канцэрна "Белнафтахім" Уладзімір Сізоў, прадстаўнік Міністэрства прамысловасці.

"Спікеры форуму раскажуць прадстаўнікам Лацінаамерыканскага рэгіёна аб стане і перспектывах беларуска-лацінаамерыканскіх адносін, гандлёва-эканамічных магчымасцях і комплексных прапановах Беларусі для лацінаамерыканскіх партнёраў, патэнцыяле беларускай фармацэўтычнай і нафтахімічнай галін і магчымасцях супрацоўніцтва з прамысловымі прадпрыемствамі Беларусі", - дадалі ў дыпмісіі.

Арганізуюць Беларуска-лацінаамерыканскі форум Нацыянальны цэнтр маркетынгу і кан'юнктуры цэн сумесна з МЗС Беларусі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі