2 мая, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Арабскай Рэспубліцы Егіпет Сяргей Цярэнцьеў сустрэўся з кіраўніком Егіпецкай камерцыйнай службы - першым намеснікам міністра гандлю і прамысловасці Егіпта Яхія аль-Ватыкам Белахам. Аб гэтым карэспандэнту БЕЛТА расказалі ў беларускай загранустанове ў Егіпце.
На перагаворах бакі дэталёва абмеркавалі пытанні, звязаныя з падрыхтоўкай трэцяга пасяджэння беларуска-егіпецкай рабочай групы па супрацоўніцтве ў галіне прамысловасці. Мерапрыемства плануецца правесці 15-16 мая ў горадзе Каір (Егіпет).
Акрамя таго, былі разгледжаны перспектывы правядзення чарговага пасяджэння беларуска-егіпецкай сумеснай гандлёвай камісіі. Размова ішла аб магчымасці пашырэння двухбаковага супрацоўніцтва ў галіне гандлю і рэалізацыі сумесных праектаў у прамысловай сферы.-0-
