ДЗЯРЖОРГАНЫДЗЯРЖОРГАНЫ
Флаг Серада, 27 верасня 2023
Мінск Ясна +21°C
Усе навіны
Усе навіны
Эканоміка
29 красавіка 2023, 14:50

Багданаў: нам удалося захаваць шырокі асартымент і павялічыць долю продажаў айчыннай прадукцыі

Фота з архіва
Фота з архіва

29 красавіка, Мінск /Кар. БЕЛТА/. У краіне ўдалося захаваць шырокі асартымент і павялічыць долю продажаў айчыннай прадукцыі. Аб гэтым паведаміў журналістам міністр антыманапольнага рэгулявання і гандлю Аляксей Багданаў у час адкрыцця абноўленай рэспубліканскай Дошкі гонару ў Мінску напярэдадні Свята працы, перадае карэспандэнт БЕЛТА.

"Для галіны вельмі пачэсна, калі нашы арганізацыі трапляюць на рэспубліканскую Дошку гонару. У гэтым годзе шэсць прадпрыемстваў гандлю ўдастоены такога высокага звання. І мы стараемся ўвесь год працаваць для таго, каб павысіць стандарты абслугоўвання насельніцтва", - сказаў Аляксей Багданаў.

Міністр падкрэсліў: "У няпросты час нам удалося захаваць шырыню асартыменту, асабліва павялічыць долю продажаў айчыннай прадукцыі. У мінулым годзе гэты паказчык прыбавіў 1,7 працэнта, а ў першым квартале гэтага года мы захавалі дадатны трэнд, і рост долі тавараў беларускай вытворчасці ў рэалізацыі рознічнага гандлю склаў 2,8 працэнта. У цэлым мы будзем старацца і ў далейшым працаваць у такім рэчышчы і павышаць стандарты абслугоўвання".

Па выніках работы ў мінулым годзе на Рэспубліканскую дошку гонару занесены 64 пераможцы. Сярод іх - 8 рэгіёнаў і 56 арганізацый. Сярод раёнаў, гарадоў і раёнаў у гарадах пераможцамі сталі: у Брэсцкай вобласці - Камянецкі і Лунінецкі раёны, Брэст і Ленінскі раён Брэста, у Гродзенскай вобласці - Астравецкі і Дзятлаўскі раёны, у Мінскай вобласці - Нясвіжскі раён, а таксама Цэнтральны раён Мінска.

У лік арганізацый-пераможцаў увайшлі юрыдычныя асобы і іх філіялы ўсіх форм уласнасці. Лаўрэаты прадстаўлены ў прамысловасці, сельскай і рыбнай гаспадарцы, будаўніцтве, лясной гаспадарцы, а таксама ў сферы паслуг - у галіне сувязі і тэлекамунікацыі, гандлі, адукацыі, навуцы, ахове здароўя, сацыяльным абслугоўванні, транспарце і турызме.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі