Сцяг Субота, 20 красавіка 2024
Усе навіны
Усе навіны
Эканоміка
30 студзеня 2024, 13:32

Аўтамабіль Geely стаў лідарам продажаў у Беларусі ў 2023 годзе

30 студзеня, Мінск /Кар. БЕЛТА/. Аўтамабіль Geely стаў лідарам продажаў у Беларусі ў 2023 годзе. Аб гэтым паведаміў на прэс-канферэнцыі дырэктар УП "БАА-Кансалт" Дзмітрый Ярота, перадае карэспандэнт БЕЛТА.

У 2023 годзе членамі Беларускай аўтамабільнай асацыяцыі (БАА) прададзена 25408 аўтамабіляў, што на 47,5 працэнта больш, чым у 2022 годзе. З іх 21761 - легкавыя аўто, а доля лёгкіх камерцыйных склала 3647 адзінак.

Паводле слоў Дзмітрыя Яроты, за мінулы год прадавалася 78 мадэлей аўтамабіляў дваццаці марак. З іх кітайскія брэнды складаюць больш за палавіну ад агульнай колькасці. Доля продажаў кітайскіх аўтамабіляў склала 82,6 працэнта, а больш за ўсё папулярнасцю карысталася марка Geely - каля 90 працэнтаў продажаў прыпадала менавіта на яе.

Больш за ўсё ў 2023 годзе прададзена аўтамабіляў Geely (15706), Lada (2684), Haval (756), Audi (573), JAC (346), Voyah (250), Chery (233), FAW Bestune (224), Volkswagen (215). Замыкаюць топ-10 машыны маркі Dongfeng (202).-0-
Падпісвайцеся на нас у
Twitter
Топ-навіны
Свежыя навіны Беларусі