ДЗЯРЖОРГАНЫДЗЯРЖОРГАНЫ
Флаг Пятніца, 2 снежня 2022
Мінск Суцэльная воблачнасць -8°C
Усе навіны
Усе навіны
Эканоміка
16 верасня 2022, 17:07

Агародніну ў гаспадарках Беларусі ўбралі з 37 працэнтаў плошчы

16 верасня, Мінск /Кар. БЕЛТА/. У гаспадарках Беларусі ўбралі агародніну з 37,3 працэнта плошчы. Аб гэтым карэспандэнту БЕЛТА паведамілі ў Міністэрстве сельскай гаспадаркі і харчавання.

Цукровыя буракі ўбраны на плошчы 8,82 тыс. га, што складае 9,57 працэнта да плана. Бульбу ўбралі з 5,98 тыс. га, або 23 працэнтаў да плана. Іншая агародніна ўбрана з 2,52 тыс. га плошчы, або 37,3 працэнта ад плана.

Збожжавыя і зернебабовыя культуры (з кукурузай) у сельскагаспадарчых арганізацыях убраны на 2,161 млн га, што складае 87,5 працэнта ад плана. У Брэсцкай вобласці ўбрана 88,9 працэнта плошчы (357,3 тыс. га), Віцебскай вобласці - 98,1 працэнта (350,5 тыс. га), Гомельскай - 84,1 працэнта (351 тыс. га), Гродзенскай - 87,4 працэнта (310,8 тыс. га), Мінскай - 84,3 працэнта (455,6 тыс. га), Магілёўскай - 84,9 працэнта (335,8 тыс. га).

Кукурузу на зерне ў Беларусі ўбралі з 3,53 тыс. га, намалацілі 26,8 тыс. т пры сярэдняй ураджайнасці 75,9 ц/га. Рапс на палях убралі з 355,1 тыс. га, што складае 98,9 працэнта да ўборачнай плошчы, намалацілі 901,6 тыс. т пры сярэдняй ураджайнасці 25,1 ц/га. Без уліку гэтай культуры ўсімі катэгорыямі гаспадарак намалочана 8,194 млн т збожжа.

Таксама ў Беларусі ўбралі проса на 9,33 тыс. га, або 78,4 працэнта ад запланаванай плошчы, намалацілі 20,7 тыс. т з ураджайнасцю 22,2 ц/га. Грэчка ўбрана на 25,6 тыс. га (74 працэнты), намалочана 34,8 тыс. т пры ўраджайнасці 13,6 ц/га.

Аб'ём закупак збожжа для дзяржаўных патрэб на 2022 год складае 811,4 тыс. т.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі