Фота БДАМ
28 верасня, Мінск /Кар. БЕЛТА/. Выстава "Выява Беларусі ў традыцыйным кітайскім жывапісе" адкрыецца 28 верасня ў выставачнай зале "Акадэмія" Беларускай дзяржаўнай акадэміі мастацтваў, паведамілі БЕЛТА ва ўстанове.
Экспазіцыя - персанальная выстава Лю Хэйцзюня, саіскальніка БДАМ, выкладчыка Ханьшаньскага педагагічнага ўніверсітэта (правінцыя Гуандун, Кітай). Большасць твораў, прадстаўленых у экспазіцыі, выкананы кітайскай тушшу і акварэллю на рысавай паперы.
Выстава "Выява Беларусі ў традыцыйным кітайскім жывапісе" адкрыецца ў 16.00. Работа экспазіцыі прадоўжыцца па 18 кастрычніка. Праект арганізаваны БДАМ у супрацоўніцтве з Ханьшаньскім педагагічным універсітэтам.-0-
