ДЗЯРЖОРГАНЫДЗЯРЖОРГАНЫ
Флаг Аўторак, 29 лістапада 2022
Мінск -3°C
Усе навіны
Усе навіны
Культура
15 верасня 2022, 10:35

Творчы вечар Галіны Угначовай адкрые новы сезон у Магілёўскім драмтэатры

Фота з архіва
Фота з архіва

15 верасня, Магілёў /Кар. БЕЛТА/. Творчы вечар актрысы Галіны Угначовай адкрые новы 135-ы сезон у Магілёўскім драмтэатры. Мерапрыемства адбудзецца 15 верасня, паведамілі карэспандэнту БЕЛТА ва ўстанове культуры.

"Галіна Угначова - любімая ўсімі, вельмі паважаная і непараўнальная актрыса, якая ў гэтым годзе адзначае 55-гадовы юбілей сваёй сцэнічнай дзейнасці, - адзначылі ў драмтэатры. - Менавіта таму новы тэатральны сезон адкрываецца яе творчым вечарам. Ён называецца "130 эпізодаў любві" - такую колькасць спектакляў сыграла актрыса на сцэне магілёўскага тэатра".

На вечары Галіны Угначовай гледачоў чакае жывая музыка, імправізацыя і нечаканыя сюрпрызы. На сцэне разыграюць эпізоды з сыграных актрысай спектакляў, а гісторыя тэатра будзе расказана праз прызму яе творчасці. Таксама адбудзецца прэзентацыя выставы "Тэатр у асобах", дзе будуць прадстаўлены фота выдатных магілёўскіх акцёраў і рэжысёраў, адлюстраваны фрагменты са старых спектакляў.

Як адзначылі ў тэатры, новы 135-ы сезон будзе вельмі насычаным і разнастайным. Ён падорыць гледачам шмат яркіх уражанняў і эмоцый, а таксама новых творчых задум. Так, трупа пачала працаваць над новай пастаноўкай па п'есе Аляксандра Астроўскага "Шалёныя грошы", рэжысёрам-пастаноўшчыкам якой выступіла Каміля Хусаінава. У кастрычніку ў работу плануецца запусціць спектакль "Маленькія трагедыі" паводле Аляксандра Пушкіна. Сваё творчае бачанне твораў рускага класіка прадставіць рэжысёр-пастаноўшчык Міхаіл Лашыцкі.

Юныя гледачы таксама не застануцца па-за ўвагай - іх парадуюць цікавай навагодняй прэм'ерай. Не забудуць і пра фестывальны рух: вырашаюцца арганізацыйныя пытанні і вядзецца падрыхтоўка да правядзення XVI Міжнароднага маладзёжнага тэатральнага форуму "М.@rt.кантакт".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі