ДЗЯРЖОРГАНЫДЗЯРЖОРГАНЫ
Флаг Серада, 1 снежня 2021
Мінск -4°C
Усе навіны
Усе навіны
Культура
20 кастрычніка 2021, 10:32

"Святло рампы": у Магілёве стартаваў прыём заявак на конкурс аматарскіх тэатраў

Фота з архіва
Фота з архіва

20 кастрычніка, Магілёў /Кар. БЕЛТА/. У Магілёве стартаваў прыём заявак на конкурс аматарскіх тэатральных калектываў "Святло рампы". У бягучым годзе мерапрыемства ўпершыню пройдзе ў дыстанцыйным фармаце, расказалі карэспандэнту БЕЛТА ў Магілёўскім гарадскім цэнтры культуры і вольнага часу.

"Конкурс стаў адной з яркіх падзей у культурным жыцці нашага горада, - расказалі ў Цэнтры культуры і вольнага часу. - Ён садзейнічае фарміраванню эстэтычнага густу з дапамогай тэатральнага мастацтва, а таксама выяўленню новых творчых калектываў і адораных выканаўцаў".

У гэтым годзе для ўдзелу ў фестывалі неабходна да 15 лістапада падаць заяўку на электронны адрас арганізатараў svet_rampi@mail.ru і прыкласці да яе відэаматэрыял спектакля. Мантаж і накладанне гукавых эфектаў у відэазапісы не дапускаецца. Аб'яўленне вынікаў і ўзнагароджванне пераможцаў конкурсу адбудзецца не пазней за 15 снежня 2021 года.

Па традыцыі пераможцам дастанецца сувенір-эмблема форуму - лямпа з лятаючым матыльком. Яго аўтар - рэжысёр народнага беларускага тэатра "Валянцін" Алег Загароўскі.

Фестываль заснаваны ў 2000 годзе і праводзіцца раз у два гады па ініцыятыве ўпраўлення культуры Магілёўскага гарвыканкама. Яго арганізатарам выступае гарадскі Цэнтр культуры і вольнага часу. З кожным годам геаграфія творчых калектываў, якія прымаюць удзел у мерапрыемстве, пашыраецца. На магілёўскай сцэне ўжо выступалі прадстаўнікі Беларусі, Расіі, Украіны і Літвы. За час правядзення фестываль адкрыў гледачу дзясяткі таленавітых рэжысёраў і акцёраў, якія традыцыйна дэманструюць творчы патэнцыял у такіх намінацыях, як "Лепшы спектакль", "Лепшая рэжысёрская работа", "Лепшая жаночая роля" і "Лепшая мужчынская роля".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі