Сцяг Пятніца, 19 красавіка 2024
Усе навіны
Усе навіны
Культура
05 студзеня 2023, 16:34

Нотныя зборнікі і гуказапісы прадставілі на прысвечанай Уладзіміру Солтану выстаўцы ў НББ

5 студзеня, Мінск /Кар. БЕЛТА/. Юбілейная выстаўка "Думкі і настроі Уладзіміра Солтана", прымеркаваная да 70-годдзя з дня нараджэння беларускага кампазітара, прадстаўлена ў зале нотных і аўдыявізуальных дакументаў Нацыянальнай бібліятэкі, паведамляе БЕЛТА са спасылкай на афіцыйны сайт НББ.

Выстаўка знаёміць чытачоў з музычнай спадчынай кампазітара. На ёй прадстаўлены нотныя зборнікі, гуказапісы, навуковыя артыкулы і публікацыі з перыядычных выданняў.

У гэтым годзе Уладзіміру Солтану магло б споўніцца 70 гадоў. Свой творчы шлях кампазітар пачаў рана, яшчэ ў гады навучання ў Брэсцкім музычным вучылішчы (1970 - 1974). Першыя пробы пяра былі звязаны з вакальнымі жанрамі, але ўжо ў кансерваторскія гады Уладзімір Солтан звярнуўся да аркестравай і камерна-інструментальнай музыкі. Менавіта ў гэтых жанрах поўнасцю раскрыўся яго творчы патэнцыял.

Адметнай рысай твораў Уладзіміра Солтана стала яго імкненне насыціць музыку драматызмам. Гэта асаблівасць кампазітарскага мыслення найбольш ярка выявілася ў оперы "Дзікае паляванне караля Стаха" паводле аповесці Уладзіміра Караткевіча, якая стала візітнай карткай кампазітара і назаўсёды ўвайшла ў гісторыю опернага мастацтва нашай краіны. Невыпадкова з імем Уладзіміра Солтана звязваюць і пачатак адраджэння нацыянальнай оперы: ён злучае традыцыі еўрапейскай музыкі з беларускай песеннасцю і гучаннем народных інструментаў у сімфанічным аркестры.

Работа выстаўкі прадоўжыцца па 28 лютага.-0-

Падпісвайцеся на нас у
Twitter
Топ-навіны
Свежыя навіны Беларусі