ДЗЯРЖОРГАНЫДЗЯРЖОРГАНЫ
Флаг Чацвер, 30 чэрвеня 2022
Мінск Малавоблачна +25°C
Усе навіны
Усе навіны
Культура
17 мая 2022, 10:35

Ноч музеяў пройдзе ў Мінску

Фота з архіва
Фота з архіва

17 мая, Мінск /Кар. БЕЛТА/. У арт-гасцёўні "Высокае мѣста" і Гарадской мастацкай галерэі твораў Леаніда Шчамялёва 21 мая будзе праходзіць міжнародная акцыя "Ноч музеяў - 2022". Аб гэтым БЕЛТА паведамілі ў гарадской галерэі.

Акцыя пройдзе з 18.00 да 22.00. "Ноч музеяў - гэта час адкрыццяў, новых уражанняў і магчымасцей быць яшчэ бліжэй да мастацтва. Пры інтэрактыўным узаемадзеянні чалавека з арт-асяроддзем адбываецца поўнае акунанне ў паток творчасці. Міжнародная акцыя "Ноч музеяў - 2022" дапаможа адчуць гэты стан праз грані злучэння розных відаў мастацтва. Запрашаем абстрагавацца ад штодзённасці і акунуцца ў свет бясконцых фантазій, ідэй і пераўвасабленняў", - адзначылі ва ўстанове культуры.

У арт-гасцёўні гасцей мерапрыемства будуць чакаць выстава мастацкага тэстылю і касцюма студэнтаў і выпускнікоў Беларускай дзяржаўнай акадэміі мастацтваў "Бясконцая фантазія" і затым квест па ёй. Тут пройдуць майстар-клас па стварэнні эксперыментальнага габелена ад выпускнікоў кафедры дэкаратыўна-прыкладнога мастацтва і касцюма Беларускай дзяржаўнай акадэміі мастацтваў, гульні і фотасесія ў дызайнерскіх касцюмах. У кінасалоне адбудуцца аўтарскія лекцыі ад мастака Хрысціны Высоцкай аб сучасным мастацтве і дызайне тэкстылю.

Гарадская мастацкая галерэя прадставіць выставы жывапісу і графікі "Праз церні да зорак. Per aspera ad astra" (прысвечана жыццю і творчасці народнага мастака Беларусі Леаніда Шчамялёва), жывапісу і графікі "Мой шлях" магілёўскага мастака Барыса Первунінскіх і скульптуры - "Метамарфозы" Віктара Мінко. Госці змогуць прыняць удзел у гульнях, рашыць рэбусы і паглядзець фільмы аб мастацтве, завочна пападарожнічаць па незвычайных музеях свету.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі