ДЗЯРЖОРГАНЫДЗЯРЖОРГАНЫ
Флаг Чацвер, 29 верасня 2022
Мінск +10°C
Усе навіны
Усе навіны
Культура
12 жніўня 2022, 18:53

Музеі Смаленскай і Брэсцкай крэпасцей будуць рэалізоўваць сумесныя праекты

12 жніўня, Брэст /Кар. БЕЛТА/. Мемарыяльны комплекс "Брэсцкая крэпасць-герой" і дзяржаўны музей "Смаленская крэпасць" падпісалі пагадненне аб супрацоўніцтве - падзея адбылася ў рамках форуму "Культурная прастора Расіі і Беларусі як аснова ідэалогіі Саюзнай дзяржавы", перадае карэспандэнт БЕЛТА.

Да гэтай падзеі было прымеркавана адкрыццё выставы "Смаленская крэпасць у артэфактах бібліятэк і архіваў Саюзнай дзяржавы". Экспазіцыя размясцілася ў выставачнай зале мемарыяльнага комплексу "Музей вайны - тэрыторыя міру". Планшэтная выстава падрыхтавана пры падтрымцы Міністэрства культуры Расіі і абагульняе папярэднія вынікі сумеснага расійска-беларускага праекта аб гісторыі буйнейшай мураванай крэпасці свету - Смаленскай крапасной сцяны. У экспазіцыі прадстаўлены больш за 30 унікальных чарцяжоў, фатаграфій і пісьмовых крыніц XVII-XX стагоддзяў з дзяржаўных расійскіх і беларускіх архіваў і бібліятэк.

"Нашай крэпасці сёлета спаўняецца 420 гадоў, а музею - два гады. Гэта самы малады федэральны музей, падпарадкаваны Міністэрству культуры Расіі. Для нас вялікі гонар прадставіць у Брэсцкай крэпасці выставу аб помніку расійскага абарончага дойлідства. Нас многае аб'ядноўвае - агульныя даследчыкі, героі, імёны. Але самае галоўнае - гэта вялікая дружба, узаемапавага і жаданне да рэалізацыі сумесных праектаў. Упэўнены, што падпісанае пагадненне аб супрацоўніцтве стане чарговай важнай вяхой у нашай агульнай культурнай працы", - сказаў на адкрыцці выставы дырэктар дзяржаўнага музея "Смаленская крэпасць" Сяргей Бяляеў.

Уражаннем ад выставы падзялілася вучоны сакратар мемарыяльнага комплексу "Брэсцкая крэпасць-герой" Ларыса Бібік: "Яшчэ раз пераконваешся ў тым, якое майстэрства заклалі будаўнікі ў фундамент не проста крэпасці - у наш генетычны фонд. Сцены трывалыя не толькі таўшчынёй сваёй, яны моцныя духам чалавечым. Вось у гэтым адзінстве фактаў, падзей, духу і сілы мы павінны жыць разам і далей".

Прэзентацыя выставы стала часткай форуму "Культурная прастора Расіі і Беларусі як аснова ідэалогіі Саюзнай дзяржавы". Яго ўдзельнікі - прадстаўнікі органаў улады, дзеячы культурна-гуманітарнай сферы дзвюх краін - усклалі кветкі да Вечнага агню мемарыяла. Адбыўся круглы стол па пытаннях кансалідацыі намаганняў па захаванні культурнай спадчыны Расіі і Беларусі, перспектывах стварэння новых культурных праектаў і праграм у рамках Саюзнай дзяржавы.

У форуме прыняла ўдзел кіраўнік прадстаўніцтва Пастаяннага камітэта Саюзнай дзяржавы ў Мінску Мар'яна Шчоткіна.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі