ДЗЯРЖОРГАНЫДЗЯРЖОРГАНЫ
Флаг Серада, 5 кастрычніка 2022
Мінск Суцэльная воблачнасць +10°C
Усе навіны
Усе навіны
Культура
13 ліпеня 2022, 16:32

Марыа Стэфана П'етрадаркі на "Славянскім базары" расказаў пра ігру з беларускім народным аркестрам

У час "Зорнай гадзіны"
У час "Зорнай гадзіны"

13 ліпеня, Віцебск /Кар. БЕЛТА/. Сумненні наконт гучання пры ігры з беларускім аркестрам народных інструментаў развеяліся адразу на рэпетыцыі. Аб гэтым у час "Зорнай гадзіны" на "Славянскім базары ў Віцебску" расказаў італьянскі акардэаніст і банданеаніст Марыа Стэфана П'етрадаркі, перадае карэспандэнт БЕЛТА.

Раней музыканту даводзілася іграць толькі з сімфанічным аркестрам, выступленне ў суправаджэнні аркестра народных інструментаў для яго - новы вопыт. "Спачатку былі сумненні наконт гучання разам з аркестрам народных інструментаў. Але ўчора, калі мы пачалі рэпетыцыю, усе мае сумненні зніклі, таму што рэжысёр проста цудоўны, а аркестр іграе проста неверагодна. Яны не ўсталі з месца, пакуль я не быў задаволены ўсёй работай. Рэпетыцыя доўжылася ўвесь дзень", - падзяліўся італьянец. Ён адзначыў, што ў выніку сумеснай работы з беларускім аркестрам музыканты знайшлі іншае гучанне. І гэты мікс будзе нечым зусім новым.

Марыа Стэфана П'етрадаркі прыгадаў, як быў у Беларусі ў 2010 годзе. Тады ён упершыню сыграў тут канцэрт, напісаны італьянскім кампазітарам. Пасля таго выступлення, паводле яго слоў, у музыканта змянілася ўспрыманне ігры, і ён пачаў ствараць новы рэпертуар. Італьянец адзначыў, што сёння для яго пішуць многія кампазітары, і наступным аўтарам можа стаць і беларускі музыкант. У гэтым выпадку банданеаніст паабяцаў вярнуцца і сыграць новыя кампазіцыі мясцовай публіцы.

У гэтым годзе Марыа ўваходзіць у склад журы Міжнароднага конкурсу эстрадных выканаўцаў на "Славянскім базары". Ён адзначыў, што ацэньваць удзельнікаў будзе па многіх крытэрыях, але самым галоўным застанецца хараство гучання.

Адказваючы на пытанні журналістаў, музыкант расказаў пра некаторыя гарады і краіны, дзе пабываў, пра тое, што пастаянна носіць пры сабе інструмент, у які ўбудаваны GPS-навігатар, і шмат іншага.

Атрымаць асалоду ад ігры італьянскага банданеаніста віцебская публіка зможа сёння ўвечары. У 18.00 Марыа Стэфана П'етрадаркі выступіць у абласной філармоніі пад акампанемент аркестра народных інструментаў імя народнага артыста Беларусі Леаніда Іванова пад кіраўніцтвам дырыжора Дзяніса Чэрты.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі