ДЗЯРЖОРГАНЫДЗЯРЖОРГАНЫ
Флаг Аўторак, 7 лютага 2023
Мінск -6°C
Усе навіны
Усе навіны
Культура
08 лістапада 2022, 15:24

Карачэўскі: у гледачоў ёсць цікавасць да "Залатой калекцыі фільмаў краін СНД"

Фота з архіва
Фота з архіва

8 лістапада, Мінск /Кар. БЕЛТА/. Гледачы выказваюць цікавасць да пераліку кінакарцін, якія ўвайшлі ў "Залатую калекцыю фільмаў краін СНД", заявіў журналістам генеральны дырэктар кінастудыі "Беларусьфільм" Уладзімір Карачэўскі, перадае карэспандэнт БЕЛТА.

"Я магу сказаць, што цікавасць да гэтых старых фільмаў ёсць. Калі мы іх дэманстравалі на кінастудыі, людзі прыходзілі і з задавальненнем глядзелі. А потым прызнаваліся, што прыйдуць і на кіно Кыргызстана, Казахстана, Азербайджана, Таджыкістана, Туркменістана, Узбекістана. Мы захоўваем нашу памяць, а для Беларусі ў Год гістарычнай памяці гэта асабліва важна. Больш таго, я лічу, што такім чынам мы робім апгрэйд нашых адносін", - сказаў Уладзімір Карачэўскі.

Ён адзначыў, што ў кожнай былой саюзнай рэспубліцы прадаўжаюць дзейнічаць дзяржаўныя кінастудыі. І ў кожнай краіне ёсць свой залаты фонд - лепшыя фільмы, створаныя ў той час. Гэтыя фільмы гледачы любяць да цяперашняга часу, іх глядзяць, памятаюць акцёраў. "Мы вырашылі зрабіць сумесную калекцыю, якую будзем прадстаўляць на ўсіх фестывалях, на кінарынках. Першы вопыт быў у Санкт-Пецярбургу, дзе некаторыя фільмы з "Залатой калекцыі" былі прадстаўлены падчас форуму. На кінафестывалі "Лістапад" таксама прэзентуецца ў пазаконкурснай праграме частка гэтай калекцыі", - адзначыў генеральны дырэктар кінастудыі.

На гэты момант кожная дзяржаўная кінастудыя прадаставіла свае фільмы ў калекцыю. Разам з тым, магчыма, яна будзе пашырана.

Уладзімір Карачэўскі разлічвае, што пры падтрымцы Выканкама СНД "Залатая калекцыя фільмаў краін СНД" атрымае шырокае распаўсюджванне ва ўсіх дружалюбных краінах. А гэта магчымасць падтрымаць культуру канкрэтнай краіны, знаёміць з ёй маладое пакаленне.

Пытанне, якое датычыцца пераліку кінафільмаў "Залатая калекцыя фільмаў краін СНД", было ўключана ў парадак дня пасяджэння рабочай групы па кінематаграфіі дзяржаў - удзельніц СНД. Пасяджэнне праходзіла з выкарыстаннем відэаканферэнцсувязі ў ходзе XXVIII Мінскага міжнароднага кінафестывалю "Лістапад".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі