Сцяг Панядзелак, 20 мая 2024
Усе навіны
Усе навіны
Культура
04 красавіка 2024, 10:45

Канцэрт-лекцыя для ўсёй сям'і. Праграму "На крылах вясны!" прадставяць у Гродне 5 красавіка

4 красавіка, Гродна /Кар. БЕЛТА/. Канцэрт "На крылах вясны!", які адбудзецца 5 красавіка, завершыць трылогію вясенніх адукацыйных канцэртаў у рамках культурна-асветнага праекта "Культурныя людзі.бел". Аб гэтым карэспандэнту БЕЛТА расказала дырэктар Гродзенскага музычнага каледжа Ганна Сарасек.

"Праграму прадставіць лаўрэат рэспубліканскіх і міжнародных конкурсаў народны камерны аркестр каледжа пад кіраўніцтвам Наталлі Сегіневіч, пры ўдзеле заслужанага аматарскага калектыву Рэспублікі Беларусь народнага камернага жаночага хору каледжа (мастацкі кіраўнік Марына Шарэйка). Слухачоў чакаюць музычныя сюрпрызы. Маштабна адкрые канцэртную праграму ўжо сфарміраваны тандэм аркестра, хору і саліста творам Аляксандры Пахмутавай "Белавежская пушча", - расказала Ганна Сарасек.
 
Дырэктар установы адукацыі дадала, што цэнтральным творам канцэрта стане вядомы цыкл кампазітара Каміля Сен-Санса "Карнавал жывёл", які прагучыць на сцэне каледжа ўпершыню.

"Партыі фартэпіяна выканаюць лаўрэаты міжнародных конкурсаў Вольга Ягадніцкая і Настасся Гуранкова. Сюіта складаецца з 14 п'ес, кожная з якіх напоўнена неверагоднай разнастайнасцю вобразаў і гумарам. П'есы "Акварыум" і "Лебедзь" вядомы і любімы многім слухачам, - адзначыла Ганна Сарасек. - Акрамя аркестравых твораў у рамках канцэрта парадуе сваім выступленнем юная сляпая піяністка, лаўрэат міжнародных конкурсаў Настасся Гуранкова. Упершыню на сцэне каледжа прагучыць паэма кампазітара Пятра Падкавырава "Кукавала зязюля", прысвечаная прыгажосці беларускай прыроды".

Ганна Сарасек падкрэсліла, што мерапрыемства пазіцыянуе сябе як канцэрт для ўсёй сям'і і пройдзе ў фармаце канцэрта-лекцыі.-0-
Падпісвайцеся на нас у
Twitter
Топ-навіны
Свежыя навіны Беларусі