Сцяг Серада, 17 красавіка 2024
Усе навіны
Усе навіны
Культура
13 сакавіка 2023, 11:37

"Дон Кіхот" вяртаецца на сцэну Вялікага тэатра

13 сакавіка, Мінск /Кар. БЕЛТА/. Напярэдадні Міжнароднага дня тэатра 24 і 25 сакавіка на сцэне Вялікага адбудзецца прэм'ера балета Л.Мінкуса "Дон Кіхот", паведамляе БЕЛТА.

Балет Л.Мінкуса "Дон Кіхот" вяртаецца на беларускую сцэну ў новых дэкарацыях і новых касцюмах.

Балет вытрымаў шэсць рэдакцый на сцэне Вялікага тэатра. Упершыню ён быў пастаўлены ў 1941-м, затым - у 1947-м, 1952-м, 1962-м, 1979-м і 1989-м. Апошняя ішла да нядаўняга часу. Гледачоў чакае сёмая рэдакцыя, над якой працуюць народны артыст СССР і Беларусі, мастацкі кіраўнік тэатра Валянцін Елізар'еў (харэограф, балетмайстар, суаўтар лібрэта), заслужаны дзеяч мастацтваў Рэспублікі Беларусь Мікалай Калядка (дырыжор), а таксама народны мастак Расіі Вячаслаў Окунеў і мастак па святле Ніна Іванкіна. Як расказалі ў тэатры, у абноўленай балетнай пастаноўцы пераплецена харэаграфія М.Петыпа, А. Горскага, К.Галяйзоўскага, В.Елізар'ева.

У розныя гады ў гэтым балеце выступалі такія легендарныя артысты, як Сямён Дрэчын, Тамара Караваева, Аляксандра Нікалаева, Валерый Міронаў і іншыя. На гэты раз галоўныя ролі выканаюць Людміла Хітрова, Ірына Яромкіна, Вікторыя Трэнкіна, Аліна Рудэнка, Канстанцін Геронік, Дзмітрый Уксуснікаў, Канстанцін Белахвосцік, Аляксандр Місіюк і інш.

Спектакль, заснаваны на адным з сюжэтаў рамана М.Сервантэса "Хітрамудры гідальга Дон Кіхот Ламанчскі", жыве больш за 150 гадоў. Аб вяселлі багатага Гамаша і прыгажуні Кітры, закаханай у Базыля, расказваюць у гарачым іспанскім танцы. З-за "гарачай" манеры пастаноўку называюць самай радаснай - па сюжэце і харэаграфіі - ва ўсёй спадчыне класічнага рэпертуару. Акрамя таго, "Дон Кіхот" у тэатральным свеце з'яўляецца адным з самых папулярных класічных балетаў.

Тэмпераментныя іспанскія танцы і прыгожую гісторыю двух закаханых мінчане і госці сталіцы змогуць убачыць 24 і 25 сакавіка ў Вялікім тэатры оперы і балета.-0-

Падпісвайцеся на нас у
Twitter
Топ-навіны
Свежыя навіны Беларусі