Сцяг Нядзеля, 14 красавіка 2024
Усе навіны
Усе навіны
Культура
23 лютага 2023, 12:01

Балет "Спартак" у пастаноўцы Валянціна Елізар'ева прадставяць на ташкенцкай сцэне

23 лютага, Мінск /Кар. БЕЛТА/. Вялікі тэатр Беларусі 5 красавіка прадставіць на міжнародным фестывалі оперы і балета "Ташкенцкая вясна" на сцэне Дзяржаўнага акадэмічнага Вялікага тэатра імя Алішэра Наваі (Ташкент, Узбекістан) легендарны спектакль - балет Арама Хачатурана "Спартак" у пастаноўцы Валянціна Елізар'ева, паведамляе БЕЛТА са спасылкай на Вялікі.

Часта "Спартак" называюць "мужчынскім балетам", але маэстра Елізар'еў з гэтым не згодны. "Каханне заўсёды знаходзіцца ў цэнтры спектакля. У гэтым балеце яно - яго душа... А там, дзе перамагае каханне, - там перш за ўсё жанчына...", - адзначыў ён.

Балет Арама Хачатурана "Спартак" у пастаноўцы Валянціна Елізар'ева жыве на беларускай сцэне вось ужо больш за 40 гадоў. Упершыню яго ўбачаць ва Узбекістане.

"Спартак" - адна з самых масавых пастановак тэатра, у спектаклі прымаюць удзел каля 50 артыстаў. Менавіта яны раскажуць гісторыю самага вядомага паўстання супраць Рыма - пад кіраўніцтвам высакароднага фракійца Спартака, імя якога жыве ў стагоддзях.

Галоўныя партыі 5 красавіка на сцэне Дзяржаўнага акадэмічнага Вялікага тэатра імя Алішэра Наваі выканаюць вядучыя салісты Вялікага тэатра Беларусі: народныя артысты Ірына Яромкіна, Антон Краўчанка, заслужаныя артысты Канстанцін Геронік, Юрый Кавалёў, Людміла Хітрова, Марына Вежнавец, а таксама Таццяна Уласень, Вікторыя Трэнкіна, Уладзімір Руда, Аляксандр Місіюк, Дзяніс Шпак і інш.-0-

Падпісвайцеся на нас у
Twitter
Топ-навіны
Свежыя навіны Беларусі