Фота БК "МІНСК"
24 красавіка, Мінск /Кар. БЕЛТА/. Баскетбалісткам "МІНСКА" засталося атрымаць адну перамогу для выхаду ў фінал чэмпіянату Беларусі, паведамляе карэспандэнт БЕЛТА.
Сёння лідары сезона другі раз разграмілі баскетбалістак сталічнага РДВАР з вынікам 108:38. Учора каманда Андрэя Ваўлева выйграла з лікам 112:35. Трэці паядынак паўфінальнай серыі адбудзецца 26 красавіка.
У другой паўфінальнай серыі дзеючыя чэмпіёнкі краіны баскетбалісткі "Гарызонта" двойчы абыгралі на сваёй пляцоўцы сярэбранага прызёра гродзенскую "Алімпію" - 63:60 і 65:64. Наступны паядынак пройдзе 26 красавіка ў Гродне. У вырашальных паядынках мінулага нацыянальнага чэмпіянату "Гарызонт" тройчы абыграў "Алімпію".
Паўфінальныя серыі мужчынскага першынства краіны стартуюць 26 красавіка. Нязменныя пераможцы 15 папярэдніх чэмпіянатаў баскетбалісты "МІНСКА" прымуць на сваёй пляцоўцы віцебскі "Рубон". У другім паўфінале віцэ-чэмпіёны Беларусі баскетбалісты "Гродна-93" будуць сапернічаць з бронзавым прызёрам мінулага першынства магілёўскім "Барысфенам". Другія паядынкі адбудуцца ў Мінску і Гродне 28 красавіка.-0-
Сёння лідары сезона другі раз разграмілі баскетбалістак сталічнага РДВАР з вынікам 108:38. Учора каманда Андрэя Ваўлева выйграла з лікам 112:35. Трэці паядынак паўфінальнай серыі адбудзецца 26 красавіка.
У другой паўфінальнай серыі дзеючыя чэмпіёнкі краіны баскетбалісткі "Гарызонта" двойчы абыгралі на сваёй пляцоўцы сярэбранага прызёра гродзенскую "Алімпію" - 63:60 і 65:64. Наступны паядынак пройдзе 26 красавіка ў Гродне. У вырашальных паядынках мінулага нацыянальнага чэмпіянату "Гарызонт" тройчы абыграў "Алімпію".
Паўфінальныя серыі мужчынскага першынства краіны стартуюць 26 красавіка. Нязменныя пераможцы 15 папярэдніх чэмпіянатаў баскетбалісты "МІНСКА" прымуць на сваёй пляцоўцы віцебскі "Рубон". У другім паўфінале віцэ-чэмпіёны Беларусі баскетбалісты "Гродна-93" будуць сапернічаць з бронзавым прызёрам мінулага першынства магілёўскім "Барысфенам". Другія паядынкі адбудуцца ў Мінску і Гродне 28 красавіка.-0-
