Фота з архіва
10 мая, Мінск /Кар. БЕЛТА/. Br3,4 млрд будзе накіравана ў бягучым годзе ў сістэму дзяржаўных дапамог. Аб гэтым журналістам расказаў намеснік міністра працы і сацыяльнай абароны Валерый Кавалькоў, перадае карэспандэнт БЕЛТА.
"Расходы дзяржбюджэту на меры сацыяльнай абароны сем'яў з дзецьмі штогод складаюць больш за 3 працэнты ВУП. Толькі ў бягучым годзе ў сістэму дзяржаўных дапамог будзе накіравана Br3,4 млрд, з іх Br1,8 млрд - на дапамогу па доглядзе дзіцяці ва ўзросце да 3 гадоў", - адзначыў намеснік міністра.
Ён таксама дадаў, што сёння выплатамі ахоплены 380 тыс. дзяцей. З іх 207 тыс. - дзеці да 3 гадоў, на якіх бацькі атрымліваюць дапамогу па доглядзе дзіцяці. Валерый Кавалькоў таксама адзначыў, што памеры дапамог значныя. "З 1 мая бягучага года ў сувязі з павелічэннем бюджэту пражытачнага мінімуму насельніцтва змяніліся і дапамогі. Пры нараджэнні першага дзіцяці сям'я атрымлівае Br4,2 тыс. Калі ў сям'і нараджаецца другое і наступнае дзіця, то аднаразовая дапамога складае ўжо амаль Br6 тыс.", - сказаў ён.
Намеснік міністра адзначыў, што дапамога па доглядзе дзіцяці да 3 гадоў перавышае ўзровень мінімальнай заработнай платы. "Калі ў сям'і выхоўваецца першае дзіця - гэта Br725. Калі другое і наступныя - Br828. Пры гэтым выплачваюцца дапамогі і на дзяцей старэйшых за 3 гады, калі ў сям'і выхоўваецца дзіця да 3 гадоў", - сказаў Валерый Кавалькоў.
Ён таксама дадаў, што аказваецца сем'ям і дадатковая падтрымка ў выпадку наяўнасці патрэбы. Гэта можа быць аднаразовая або штомесячная сацыяльная дапамога малазабяспечаным. Бацькам, якія выхоўваюць двайнят або трайнят, прадастаўляецца бясплатнае харчаванне для дзяцей да 2 гадоў.-0-
"Расходы дзяржбюджэту на меры сацыяльнай абароны сем'яў з дзецьмі штогод складаюць больш за 3 працэнты ВУП. Толькі ў бягучым годзе ў сістэму дзяржаўных дапамог будзе накіравана Br3,4 млрд, з іх Br1,8 млрд - на дапамогу па доглядзе дзіцяці ва ўзросце да 3 гадоў", - адзначыў намеснік міністра.
Ён таксама дадаў, што сёння выплатамі ахоплены 380 тыс. дзяцей. З іх 207 тыс. - дзеці да 3 гадоў, на якіх бацькі атрымліваюць дапамогу па доглядзе дзіцяці. Валерый Кавалькоў таксама адзначыў, што памеры дапамог значныя. "З 1 мая бягучага года ў сувязі з павелічэннем бюджэту пражытачнага мінімуму насельніцтва змяніліся і дапамогі. Пры нараджэнні першага дзіцяці сям'я атрымлівае Br4,2 тыс. Калі ў сям'і нараджаецца другое і наступнае дзіця, то аднаразовая дапамога складае ўжо амаль Br6 тыс.", - сказаў ён.
Намеснік міністра адзначыў, што дапамога па доглядзе дзіцяці да 3 гадоў перавышае ўзровень мінімальнай заработнай платы. "Калі ў сям'і выхоўваецца першае дзіця - гэта Br725. Калі другое і наступныя - Br828. Пры гэтым выплачваюцца дапамогі і на дзяцей старэйшых за 3 гады, калі ў сям'і выхоўваецца дзіця да 3 гадоў", - сказаў Валерый Кавалькоў.
Ён таксама дадаў, што аказваецца сем'ям і дадатковая падтрымка ў выпадку наяўнасці патрэбы. Гэта можа быць аднаразовая або штомесячная сацыяльная дапамога малазабяспечаным. Бацькам, якія выхоўваюць двайнят або трайнят, прадастаўляецца бясплатнае харчаванне для дзяцей да 2 гадоў.-0-
