2 красавіка, Гродна /Кар. БЕЛТА/. Калі не будзем шмат працаваць - загінем. Аб гэтым заявіў Прэзідэнт Беларусі Аляксандр Лукашэнка ў час рабочай паездкі ў Гродна, перадае карэспандэнт БЕЛТА.
Прэзідэнт падкрэсліў, што ў Беларусі дзяржавай створаны магчымасці для развіцця людзей і для таго, каб зарабляць. Вобразна кажучы, прадастаўлена вудачка, але людзям трэба самім "ісці вудзіць рыбу", варушыцца, працаваць, каб мець дастойны ўзровень жыцця.
"Не будзем шмат працаваць - загінем, - падкрэсліў Аляксандр Лукашэнка. - Галоўнае - магчымасці. Дзяржава павінна прадаставіць магчымасці".
Асабліва актуальныя гэтыя словы ў адносінах да прадстаўнікоў маладога пакалення. Прэзідэнт звярнуў увагу, што ў краіне, напрыклад, створаны ўсе магчымасці, умовы для таго, каб школьнікі з самых розных сем'яў і рэгіёнаў Беларусі маглі паступіць у ВНУ і атрымаць вышэйшую адукацыю. Выпрацавана сістэма прадастаўлення ведаў і іх аб'ектыўнай ацэнкі для таго, каб адабраць у ВНУ здольных навучэнцаў. "Мы робім усё для таго, каб у вас была магчымасць. А калі ёсць магчымасць, далей ужо трэба варушыцца самім", - сказаў ён.
Яшчэ адзін прыклад - падтрымка шматдзетных сем'яў, якім прадастаўляецца магчымасць пабудаваць дом і выдзяляецца ўчастак зямлі, у тым ліку і для таго, каб весці асабістую падсобную гаспадарку, прывучаць дзяцей да працы. Аднак нярэдкія выпадкі, калі, на жаль, зямля не апрацоўваецца і ўчасткі вакол дамоў застаюцца недагледжанымі.-0-
